Etxean Bizi Programaren helburu nagusia da mendekotasun larrian dauden pertsonen eta haien zaintzaileen bizi-kalitatea hobetzea.

Orientatzaileak etxean bertan erakusten dizkie ariketak partaideei.
Horrez gain orientatzaileak prestakuntza eman zien famili-laguntzaileei, haien bidez mendeko pertsonek eta haien zaintzaileek etxean ariketa fisikoa egin zezaten.

Norentzat?

Bigarren mailako mendekotasuna duten eta etxetik irteten ez diren pertsonentzat.

Non?

Etxean bertan ematen die zerbitzua, gizarte-zerbitzuen arduradunarekin eta pertsona interesdunekin hitzordua adostu ondoren.

Noiz?
Astelehenetan 12:00etatik 13:00etara eta asteazkenetan 9: 00etatik 10:00etara. Orientatzaileak ordubete ematen du etxe bakoitzean eta hilero bisitatzen du etxe hori.

Zertarako?
Mendekotasun larria duten pertsonek beren egoera fisikoa eta, ondorioz, bizi-kalitatea hobe dezaten eta kalera irteteko aukera gertuago ikus dezaten.
Nola?
Programa hau oinarrizko gizarte-zerbitzuekin eta osasun etxearekin koordinatuta dago.