Duela urte batzuk, bi mendizalek kobazulo bat topatu zuten, baina aurkikuntza sekretupean gorde dute. Orain, misterioa argitzeko garaia da, eta horretarako zure laguntza behar dugu.

Ihes Gela: Kobazuloaren Misterioa izeneko ekintzak aukera paregabea eskaintzen du: bertan parte hartzen dutenek erronkak gainditu, enigmak argitu eta sekretu guztiak deskubritzeko aukera izango dute.

Ekintza hau LH5 eta LH6 mailetako haurrei zuzenduta dago eta hiru herritan egingo da: Arbizu, Etxarri Aranaz eta Irañeta. Bertan, parte-hartzaileek taldeka jokatuko dute, eta bakoitzak bere gaitasunak erakutsi beharko ditu, abentura zirraragarri honetan parte hartzeko.

Hiru data eta leku aukeratuak:

• Arbizu: Urtarrilaren 10ean, 17:00etan, Arbizuko Eskola Zaharrean

• Etxarri Aranaz: Urtarrilaren 17an, 17:00etan, Etxarri Aranazko kultur etxean

• Irañeta: Urtarrilaren 31ean, 17:00etan, Irañetako Udaletxean.

Parte hartzeko, izena eman behar da euskara1@sakana-mank.eus helbidean.