Sakanako Mankomunitateko Euskara Zerbitzuak, Nafarroako mendialdeko euskara zerbitzuekin elkarlanean, ENPRESETAN EUSKARA TXERTATZEKO ESKULIBURUAren bertsio digitala eguneratu du. Gidaren helburua enpresetan euskararen erabilera eta presentzia sustatzea da eta, horretarako, hainbat gomendio eta baliabide eskaintzen da.

Gidak atal hauek ditu:

1. Euskarak lan mundua bereganatzearen garrantziaz.
2. Euskara planen zabalkundea Euskal Herrian.
3. Euskara enpresan txertatzeko arrazoiak.
4. Nola txertatu euskara enpresan.
5. Nafarroako Gobernuaren dirulaguntza lantoki primatuetan euskararen erabilera eta presentzia sustatzeko (2023ko deialdia).
6. Sakanako Mankomunitateak eskaintzen duen laguntza.

Gaiaren buruzko interesa edo zalantzarik baduzue, jarri harremanetan Sakanako Mankomunitateko Euskara Zerbitzuarekin (948 464 840 / euskara2@sakana-mank.eus).