Abenduan Sakanako Mankomunitateak Nafarroako Hondakinen Funtsak finantziatutako sentsibilizazio kanpaina bat aurkeztu zuen Zero Zabor Komertzioak programaren barruan.

Sakanako herritarrek hondakinak murrizteko produktuen 400 sorten zozketan parte hartzeko aukera izan zuten.

Horretarako, Sakanako komertzio bakoitzean kutxa bat jarri zen eta honen ondoan honako konpromisoak zerrendatzen zituzten inprimaki batzuk:

• ontzi gutxiago dituzten produktuak aukeratzeko konpromisoa
• elikagaiak alferrik ez galtzeko konpromisoa
• baztertu aurretik konpontzen saiatzeko konpromisoa

Zozketan parte hartzeko, gutxienez hiru ekintzetako bat aukeratu behar zuten herritarrek, eta harremanetarako datuak gehitu ondoren, kutxan utzi.

Abenduaren 23an sorten zozketa egin zen Sakanako Mankomunitateko Hondakin Zerbitzuaren egoitzan. Irabazleen zerrenda hemen kontsulta daiteke.

Hondakin zerbitzua irabazleekin harremanetan jarri da whatsapp bidez eta, hori posible izan ez den kasuetan, telefono bidez.

Sortak UtzubarEKOgunean (Arbizu) jaso daitezke astelehenetik ostiralera, 09:00etatik 14:00etara. Arazorik izanez gero, 900 730 450 doako telefonora deitu edo info.hondakinak@sakana-mank.eus helbidera idatzi.

Zer da UtzubarEKOgunea?

Sorta bakoitzak 50 euroko balioa du, eta honako hau jasotzen du:

• Plastiko birziklatuz egindako erosketa-orga
• Ogirako oihalezko poltsa
• Frutarako oihalezko poltsak (x3)
• Soltean erosteko oihalezko poltsak (x3)
• Erosketa orokorretarako oihalezko poltsa
• Fruta forma daukan poltsa tolesgarria
• Ogitartekoarentzako zorroa
• Edari beroentzako katilua
• Bidaia-ontzia
• Azukre-kanaberarekin egidako taperra
• Beirazko poteak
• Banbuzko hortzetako eskuila konpostagarriak (x4)
• Aho zabaleko beirazko botila, kortxozko estalkiarekin

Parte hartu duten komertzioak hauek dira: