• Sakanako Mankomunitatean peoi-gidari izateko deialdi berri bat

    Bigarren aldiz egiten den deialdi honen xedea,  peoi-gidari izateko lanpostu bat oposizio-lehiaketa bidez betetzea da Sakanako Mankomunitateko hondakinen atalean ari dadin. Lanpostua aldi baterako izango da eta txanda kontratu moduan. Lan-poltsa sortuko da hautapen-prozesu hau gainditzen duten izangaiekin, puntuazio ordenari zorrotz jarraituz. Indarrean izango da bost urtez etaformalizatuko den txanda kontratuaren eremuan erabiliko da. Lan-poltsa egiteko kontuan hartuko da Langileen Estatutuaren Testu Bateginak pertsona ez-gaituei buruz dioena hartuko da kontuan.

    Deialdian parte hartzeko eskatzaileak Altsasuko Enplegu Bulegoan 2019ko ekainaren 19ko eguerdiko 14:00ak baino lehen aurkeztu beharko du eranskinetako eskabide orria (ikusi oinarri osoak).

    Oinarri osoak: gidari-peoi deialdia 2019ko ekaina

    Bases completas: convocatoria chófer-peón junio 2019

     

     

     

  • Sakanako Mankomunitateak 113.340 kilo konpost banatu ditu 757 etxebizitzetan

    Nafarroako Unibertsitate Publikoak egindako ikerketa batek konpostaren kalitatea frogatu du.

    Sakanako Mankomunitateak sakandarrek banatutako materia organikoarekin egindako konpostaren 113.000 kilo baino gehiago banatu ditu herritarren artean 2018an. 757 etxebizitzetatik eraman dute konposta, haien baratza edota loreontzietan erabiltzeko. Etxebizitza bakoitzetik 250 kilo hartu ahal izan dituzte Arbizuko Zabortegitik. (Albistearen bukaeran datuak herrika dituzue banatuak taula batean.)

    Urtero egiten diren kalitate kontrolez gain, aurten egindako konposta egokia izan dela aztertzeko Nafarroako Unibertsitate Publikoak lortutako konpostaren kalitate eta ezaugarriak ikertu ditu. Horretarako Sakanako Mankomunitatean egindako konpostak analizatu eta baloratu egin dituzte UPNA-NUPko ikerkuntza negutegietan egindako proba ezberdinetan (2 eta 3 argazkiak). Letxugak eta brokoliak konpost dosi diferenteekin hazi dira loreontzietan. Ikerketa honen emaitzek frogatu dute, bi labore hauetan gero eta konpost gehiago gehituta, landareak orduan eta hobe hazten direla (1 argazkia). Loreontziak bakar-bakarrik konpostez beteta zirenean emaitzarik hoberenak lortu dira.

    Egindako ikerketaren emaitzen arabera, ezbairik gabe esan ahal da: Sakanako konposta guztiz ona dela eta arazorik gabe erabili daitekeela nekazaritzan. Horregatik erabiltzera animatu nahi zaituztegu. Hala ere hazitegietan lurrarekin nahastea gomendatzen dugu, ongarri hau gogorregia baita jaioberriak diren landaretxoendako.

    Sakanako Mankomunitatea Nafarroan aitzindaria izan da Ekonomia Zirkularraren garapenean. Azken urte hauetan egin duen lan itzelari esker gaur egun, hondakinen kudeaketari dagokionez Nafarroako emaitzarik onenak lortzen dira. Sakanan sortzen diren etxeko hondakinen %54 berreskuratzen dira gainontzeko %46a zabortegian amaitzen duen bitartean. 2025erako Europak eskatzen duen materialen berreskurapen maila dagoeneko gaur egun Sakana gehienean gainditu da. Arrakasta honen gako nagusia Sakanako sukalde eta lorategi gehienetan egiten den elikagaien eta landare hondakinen bereizketa izan da. Biohondakina, bereiztuta kudeatzen denean, erraz ongarrian bilakatzen da konposta izeneko prozesuaren bidez. Konpost hau gure etxean burutu ahal dugu, etxeko konpostajea, gure auzoan, auzo konposta, edo konpost azpiegitura batean.

    1. Argazkia. Letxuga Sakanako konpost dosi diferenteekin ongarritua. %100, %75, %50, %25 eta konpostik gabe.

    • KONPOST BANAKETA HERRIKA

    HERRIA

    HERRITARRAK

    KILOAK

    URTARRILA-MAIATZA

    MAIATZA-AZAROA

    TOTALA

    ZIORDI

    2

    300

    0

    300

    OLAZTI

    96

    6980

    7350

    14.330

    ALTSASU

    75

    4810

    6370

    11.180

    URDIAIN

    43

    2100

    4400

    6.500

    ITURMENDI

    5

    450

    300

    750

    BAKAIKU

    18

    1200

    1500

    2.700

    ETXARRI ARANATZ

    139

    10160

    10750

    20.910

    ERGOIENA

    3

    150

    250

    400

    ARBIZU

    90

    6700

    6850

    13.550

    LAKUNTZA

    49

    3230

    4050

    7.280

    ARRUAZU

    4

    420

    150

    570

    UHARTE ARAKIL

    42

    2810

    3400

    6.210

    IRAÑETA

    24

    1350

    2250

    3.600

    ARAKIL

    60

    3570

    5400

    8.970

    IRURTZUN

    107

    8590

    7500

    16.090

    GUZTIRA

    757

    113.340

  • Hondakin teknikaria kontratatzeko behin-betiko zerrenda

    Hondakin teknikaria kontratatzeko prozeduran, Sakanako Mankomunitateko Lehendakariak behin-betiko onartuen eta baztertuen zerrenda onetsi du, 474/2018 ebazpenaren bidez. Zerrenda Nafarroako Aldizkari Ofizialean argitaratu zen irailaren 7an, azterketa datekin batera. Zerrenda hurrengoa da:

    ONARTUAK:

    1. Paula Garciandia Mendinueta
    2. Adur Campo Indo
    3. Iñigo Zuazagoitia Rey-Baltar
    4. Aritz Igoa Goñi
    5. Iker Echeverria Urquijo
    6. Ángel María Perez Artuch
    7. Urko Aguirre Gabirondo
    8. Irantzu García Aguirre
    9. Tamara Zapiain García
    10. Aitziber Salazar Arresti
    11. Naiara Arroniz Percaz
    12. Amaia Montori Maiza
    13. Ohiane Nieto Iriberri
    14. María Aránzazu García de Lomana Balbás
    15. Arantza Leoz Ariz
    16. Xabier Lopez Saez de Asteasu
    17. Iker Azagirre Yurrebaso
    18. Asier Goikoetxea Galarza
    19. Nerea Velasco Moran
    20. Zuberoa Jauregi Larrañaga
    21. Ibai Goñi Zaldua
    22. Estibaliz Lopez de Goikoetxea
    23. Xabier Fernandez Oregi
    24. Fermin Tarragona Castro
    25. Arrate Rodriguez Barron
    26. Ohian Pla Azanza
    27. María Aránzazu Galdeano Zubeldia
    28. Igone Campos Odriozola
    29. Leire Díaz de Guereñu Echavarria
    30. Ikerne Indakoetxea Barberia
    31. Josu Aranbarri Uribarren
    32. Ainhoa Rueda Zurbitu
    33. Olatz Garde Mazkiaran
    34. Josu Encina Iñiguez de Ciriano
    35. María Uriarte Blanco
    36. Marta Ruiz de Sagaseta Ilurdoz
    37. Izadi Mondragon Etxaniz

     

    BAZTERTUAK

    1. Patxi Jagoba Bengoa Lapatza-Gortazar

     

    Eskatutako euskara maila frogatzeko azterketa irailaren 14an izanen da goizeko 9:30tan, Mankomunitatearen egoitzan, Uriz kaleko 32. zenbakian (Lakuntzan, Nafarroa).

    Oposizio fasearen lehen froga teorikoa irailaren 17an izanen da, goizeko 10:30tan, NAPIren egoitzan, Iruñean.

  • Listado provisional de admitidos/as del procedimiento de contratación de un/a técnico/a de residuos

    En el procedimiento de contratación de un/a técnico/a de residuos, el presidente de la Mancomunidad de Sakana ha aprobado el listado provisional de admitidos/as y excluidos/as, mediante resolución 459/2018. La lista será publicada en el Boletín Oficial de Navarra en los próximos días, y desde su publicación los participantes tendrán un plazo de 10 días para presentar reclamaciones y/o documentación. La lista es la siguiente:

     

    ADMITIDOS/AS:

    1. Paula Garciandia Mendinueta
    2. Adur Campo Indo
    3. Iñigo Zuazagoitia Rey-Baltar
    4. Aritz Igoa Goñi
    5. Iker Echeverria Urquijo
    6. Ángel María Perez Artuch
    7. Urko Aguirre Gabirondo
    8. Irantzu García Aguirre
    9. Tamara Zapiain García
    10. Aitziber Salazar Arresti
    11. Naiara Arroniz Percaz
    12. Amaia Montori Maiza
    13. Ohiane Nieto Iriberri
    14. María Aránzazu García de Lomana Balbás
    15. Arantza Leoz Ariz
    16. Xabier Lopez Saez de Asteasu
    17. Iker Azagirre Yurrebaso
    18. Asier Goikoetxea Galarza
    19. Nerea Velasco Moran
    20. Zuberoa Jauregi Larrañaga
    21. Ibai Goñi Zaldua
    22. Estibaliz Lopez de Goikoetxea
    23. Xabier Fernandez Oregi
    24. Fermin Tarragona Castro
    25. Arrate Rodriguez Barron
    26. Ohian Pla Azanza
    27. María Aránzazu Galdeano Zubeldia
    28. Igone Campos Odriozola
    29. Leire Díaz de Guereñu Echavarria
    30. Ikerne Indakoetxea Barberia
    31. Josu Aranbarri Uribarren
    32. Ainhoa Rueda Zurbitu
    33. Olatz Garde Mazkiaran
    34. Josu Encina Iñiguez de Ciriano
    35. María Uriarte Blanco
    36. Marta Ruiz de Sagaseta Ilurdoz

     

    EXCLUIDOS/AS

    1. Patxi Jagoba Bengoa Lapatza-Gortazar
    2. Izadi Mondragon Etxaniz

  • Altsasun eta Etxarri Aranatzen, latak eta botilak bueltatzeak saria izango du!

    Datozen asteetan Nafarroa zeharkatuko duen “Nafarroa, itzultzearen alde” kanpainak pertsona bakoitzari 10 zentimo itzuliko dizkion itzultzen duen lata eta botila bakoitzarengatik, uztailaren 4 eta 5ean Altsasu eta Etxarri Aranatzera iritsiko da.

    Altsasu eta Etxarri Aranatzeko herritarrek haien edarien ontziak itzuli ahal izango dituzte eta bakoitzarengatik 10 zentimo jaso, “Nafarroa, itzultzearen alde” kanpainari esker.

    Izan ere, nafarrek haien edarien ontziak erosi dituzten dendara itzuli ahal izango dituztenean, ez da lata eta botilarik galduko eta denak birziklatu eta berrerabili egingo dira ekonomia zirkularraren modeloari esker. Horrela, Nafarroako Foru Komunitateak  iraunkortasun, berrerabiltze eta birziklatze eredu izaten jarraituko du.

    Greenpeace, Ekologistak Martxan, Traperos de Emaús, la Compañía de las 3 erres, Acción Clima, Recircula eta Retorna elkarteek datozen asteetan Nafarroa zeharkatuko duen “Nafarroa, itzultzearen alde” kanpaina jarri dute martxan. Sakanan bi geldialdi izango ditu: uztailaren 4ean, asteazkena, Altsasuko Iortia Zabalgunean izango da eta uztailaren 5ean, osteguna, Etxarri Aranatzeko Herriko plazan.

    Andoni Romeok, Traperos de Emauseko ordezkariak, “Nafarroako Hondakin legea onartu berri denean, ekonomia zirkularraren sektoreak eta hainbat elkarte ekologistek prozesu hau lagundu nahi dute, Nafarroa iraunkortasunarekin konprometituta dagoen lurralde bat dela erakutsiz” nabarmendu du.

    Nafarroa beti izan da aitzindaria birziklatze kontuetan eta lege hau onartuz, gai honetan erreferente izateko nahia eta konpromisoa argi utzi du” dio Eusebio Martinez de la Casak, Recircularen sortzaileak.

    Itzultze Sistema hau munduko 40 zonaldeetan dago martxan (Alemania, Eskandinabia, Kalifornia edo Australia kasu) eta edari ontzien %99a berreskuratzea lortzen dute, inguruan, baso edota itsasoetan galdu daitezen ekidinez. “Mundu osoko biztanleriaren %80ak baino gehiagok begi onekin ikusten du ontziak dendara itzultzearen ekintza. Eta Nafarroan berdina gertatuko da. Erreferentea izan den eta gaur egun ere hala den eskualde bat da, eta bultzatu nahi dituen neurri hauekin, izaten jarraituko duena” azaltzen du Miquel Rosetik, Retornako zuzendariak.

    Azkeneko hilabeteetan, Europa sistema honen aldeko apustua egiten ari da, ontzi gehienek zabortegietan edo kaleetan bukatu ohi baitute.

  • Hondakin teknikaria izateko lanpostu baterako oposizio lehiaketa

    Sakanako Mankomunitateko Hondakin Zerbitzuan hondakin teknikaria izateko lanpostu bat, lan araubidean, oposizio-lehiaketa bidez betetzea du xede deialdi honek.

    Lan poltsa sortuko da hautapen prozesu hau gainditu duten izangaiekin, puntuazio ordenari zorrotz jarraituz.

    Deialdi honetan parte hartu ahal izatea eskatzeko, hainbat aurkeztu beharko dira (ikus oinarriak beherago) Sakanako Mankomunitateko erregistro orokorrean, 30 egun naturaleko epean, deialdi hau Nafarroako Aldizkari Ofizialean argitaratu (ekainak 8) eta biharamunetik hasita, egun horretako 14:30 arte.

    Eskabideak aurkezteko epea bukatu ondoren, jendaurrean paratuko da izangai onartu eta baztertuen behin-behineko zerrenda, Sakanako Mankomunitateko iragarki oholean eta webgunean (http://wwww.sakana-mank.eus).

    Iragarkia Sakanako Mankomunitateko iragarki-taulan eta web-orrian (http://www.sakana-mank.eus) argitaratzen denetik aurrera, izangaiek hamar eguneko epea izango dute erreklamazioak aurkeztu edo instantzian egindako akatsak zuzentzeko.

    Inor baztertzen ez bada, zuzenean argitaratuko da behin betiko zerrenda, eta zerrenda horretan bertan jarriko dira hautaprobak egiteko eguna, ordua eta tokia, eta, kasua bada, euskara probak egitekoak ere bai.

    Hondakin teknikari izateko oposaketen oinarriak 2018.06.08

    Behin-behineko onartuen zerrenda

  • Sakanako hondakin bilketaren datuak | 2017

    2017ko bilketa datuen , beste urte batez Sakanako Mankomunitatea Nafarroan gehien birziklatzen duen mankomunitatea da. Bilketa selektibo tasak, 2016koarekin alderatuz, dezima batzuk egin du gora, %55,99eraino iritsiz. Horrela, Nafarroako media baino %40 gehiago birziklatzen da Sakanan gaur egun.

    Orotara, ia 5.000 tona hondakin bildu ziren selektiboki Sakanan 2017an, 4963 tona zehazki. Horietatik, 2051 tona materia organiko izan ziren, 464 tona ontzi arin, 836 tona paper eta kartoi eta 663,5 tona beira. Culebreteko biometanizazio plantara bideratutako errefusa 3902 tona izan ziren.

    Materia organikoa

    (atez ate, konposta, podak)

    Ontzi arinak

    Papera eta kartoia

    Beira

    Errefusa

    Besteak

    (Emausgo trapuketariak, olioa, arropa, garbigunea…)

    Orotara

    2051 t

    464 t

    836 t

    663,5 t

    3902 t

    948,5 t

    8865 t

    %23

    %5

    %9

    %8

    %44

    %11

    %100

    Sakanan sortzen den materia organikoak hainbat helmuga ditu. Alde batetik, konposta bidez kudeatzen dena tokian bertan eta Arbizuko transferentzia plantan kudeatzen da eta atez ate bildutakoa (baita 2018tik aurrera 5. edukiontzian bildutakoa) Caparrosoko HTN biogas plantara eramaten da. Ontzi arinak Moratieleko plantara eramaten dira, Peraltan dagoena. Papera eta kartoia Bidasoa Ecogestion enpresari saltzen zaio eta beira Ecovidrio enpresak kudeatzen du. Azkenik, errefusa Tuterako Culebrete plantara eramaten da.

    Bailaran dauden 4 sistemen egoera eta bilketa selektibo tasak aurreko urteetako antzekoa izaten jarraitzen du. Atez-ateko sistemak jarraitzen du datu hoberenak ematen, mistoak jarraitzen diolarik. Dena den, 2018ko lehenengo hiruhilabetekoan dagoeneko Altsasun berriki ezarri den 5. edukiontziarekin lorturiko emaitza probisionalek erakusten dutenez, Altsasuko bilketa selektibo tasa igo egin da ,%36,47ra. 2017ko tasa ia 4 puntutan hobetu da, 10 puntu 2016tik. Horrela, Sakana osoko bilketa selektibo tasa %56,22an kokatuko litzateke. Beste erritmo batean, baina Altsasu ere pixkanaka pixkanaka bilketa selektibo tasak hobetzen ari dela esan nahi du honek. Bertan egitekoa den garbiguneak datu hauek ere nabarmen hobetzea espero dugu. Honek bai Altsasuko bilketa selektibo tasa zein Mankomunitate osokoa igotzea ekarriko du, Nafarroan gure aitzindaritza gehiago errotuz. Nafarroako media %37,5ean dago.

    2013an hasitako bidean ondo goazela erakusten digute datu hauek. Europar Batasunak 2020rako jarria duen helburua, %50eko bilketa selektiboa, dagoeneko betetzen dugu eta berriki onartu den Nafarroako Hondakin Planean 2027rako jartzen den %70eko helbururako bide onean goaz. Hala ere, jakitun gara datu orokor hauek oso onak baldin badira ere, tokian toki hobetzeko hainbat gai badaudela eta horiek konpontzeko lanean gaude.

    Sakanako herritarrei gure esker ona adierazi nahi diegu baita ere. Izan ere, haiek egindako esfortzu eta lanari esker, gure lanarekin batera, da posiblea datu hauek lortzea. Uste dugu datu hauek harro egoteko modukoak direla eta orain arte bezala, gutxienez, jarraitzeko deia egiten diegu.

    Datu orokorrak 2017

  • Konpost banaketa

    Beste urte batez ere, Sakanako Mankomunitateak bertako materia organikoarekin egindako konposta banatzen jarraitzen du Sakanako herritarren artean. 2018ko maiatzaren 21era arte, 36.000 kilo konpost banatu dira Arbizu Zabortegitik aurten.

    320 etxebizitza ezberdinek eraman dute orain arte konposta, eta oraindik ere banatzen jarraitzen dugu. Konpost honi, kalitate onekoa izanik, hainbat erabilera eman ahal dizkiote herritarrek: baratzeko lurraren kalitatea hobetzeko erabili dezakete, bertan dagoen lurrarekin nahastuz edo ongarri bezala ere erabili daiteke, baratzean bertan landatutakoaren hazkundea hobetzeko edo etxeko loreak ederragoak atera daitezen.

    Esan bezala, oraindik ere konposta eskuragai dago Arbizuko zabortegian. Eskuratu nahi duten herritarrek honakoa egin behar dute:

    1. Arbizuko zabortegira hurbildu, goizeko 8:00etatik eguerdiko 15:00etara astelehenetik ostiralera.

    2. Bulegotik pasa, konposta hartu behar den etxebizitzen izena apuntatzeko

    3. Etxebizitza bakoitzak 50 litroko 3 zaku eraman ditzake gehienez.

    4. Zakuak norberak kargatu behar ditu konpost pilatik, zabortegian pala badugu eta zakuak uzteko aukera ere, nahiz eta etxetik ekartzea gomendatzen dugun.

    Sakanako Mankomunitatetik herritarrak animatzen ditugu zabortegira etorri eta konposta hartzera. Horrela, Sakanako herritarrek materia organikoa banatzen hasitako zikloa Sakanan bertan ixteko aukera dugu, materia organiko horrekin egindako konpostak Sakanako lurrak hobetuz berriro ere lehengaiak lortzeko.

  • Altsasun hasi da 5. edukiontzi bidezko bilketa

    Urtarrilaren 18an hasi zen edukiontzi berrien bidezko zabor bilketa Altsasun. Une honetan, 445 etxebizitzak eman du izena materia organikoa 5. edukiontzia bidez biltzeko. Hondakin zerbitzuaren iritziz, kopuru egokia da hasierako fase honetarako.

    Orain arte 5. edukiontzia erabiltzeko kit-a jaso ez duten Altsasuko bizilagunek, Iortia enparantzan kokatutako Mankomunitateko tren bagoira jo dezakete haren bila. Hilabatea amaitu bitartean behintzat, ostegunetan, 10:00etatik 13:00etara Mankomunitateko hezitzaileak bertan egongo gara kit-ak banatzen eta zalantzak argitzen.

  • Altsasu | 5. edukiontzia ezartzeko azken txanpa

    Altsasun 5. edukiontzia ezartzeko azken txanpan sartu gara. Azken hilabeteetako informazio kanpaina zabalaren ostean, dagoeneko ia 300 etxebizitzek eman dute izena. Horrela, izena eman duen jendeari materia organikoa banatzeko kit-a emango dio Sakanako Mankomunitateak.

    Kit-ak honako osagaiak ditu: 10 litrotako kubo aireztatua (hainbat ikerketen arabera, usaina ekiditeko hoberena), poltsa konpostagarriak, 5. edukiontzia irekitzeko giltza eta hondakinak ongi sailkatzeko gida berria.

    Kit-ak jasotzeko bi egun izango dituzte bizilagunek: urtarrilak 11, osteguna eta urtarrilak 15, astelehena. Iortia Kultur Gunean jaso ahalko dira eta goizeko 10:00etatik 14:00etara eta arratsaldeko 16:30etatik 19:30etara egongo dira bertan Sakanako Mankomunitateko hezitzaileak. Kit-ak banatzeaz gain, jendeari behar dituzten azalpen guztiak emateko prest ere egongo dira.

    Izena eman duen jendeari banan-banan telefonoz deitzen ari dira. Dena den, norbaitek oraindik izena eman ez badu baina 5. edukiontzian izena eman nahi izanez gero, zuzenean pasa daiteke Iortiatik izena eman eta kit-a hartzera aipatutako ordu eta egunetan.

    Kit-ak banatzearekin batera, Sakanako Mankomunitateko langileak iada horretarako jarritako posteetan 5. edukiontzia jartzen hasiko dira. 240 litrotako kubo marroia izango da eta gaur egun dauden edukiontzien ondoan egongo da. Lehenengo organiko bilketa ostegunean, urtarrilak 18, egingo du Sakanako Mankomunitateak.

    kitbanaketa

  • 5. edukiontzia Altsasun

    webBADATOR 5. EDUKIONTZIA!

    Datorren urtarrilaren 15ean 5. edukiontzia jarriko da martxan Altsasun. Horrela, Sakanako Mankomunitateak eta Altsasuko Udalak sinatutako akordioa bete nahi da, %65eko bilketa selektiboa lortzeko. Portzentai horrretara iristeko funtsezkoa da materia organikoa banatzea eta dagoeneko egiten diren autokonposta eta auzokonpostarekin batera, edukiontzi marroiak lagunduko digu.

    Izena emateko, 900 730 450 doako telefonora deitu behar da. Izena ematen duten etxebizitzei, bilketa hasi baino aste bat lehenago ondorengo kita emango zaie, materia organikoa banatu eta edukiontzian bota ahal izateko: 10 litrotako kubo mikroperforatua, poltsa konpostagarriak, edukiontzia irekitzeko giltza eta birziklapen gida, banaketa nola egin jakiteko. Gainera, Nafarroako Partzuergoak deskontu bat aplikatuko die hondakin erreziboan.

    Ezazu organikoaz paso egin eta eman jauzia etorkizuneko hondakin kudeaketara!

    altsasukartela

  • Oharra

    Maiatzaren 8tik aurrera Mankomunitateko hezitzaileak Arbizuko Garbiguneko (lehengo zabortegiko) bulegoetan egonen dira. Haien zerbitzua behar izatekotan, bertara joan.

    Garbigunea Arbizuko zabortegi zaharrean kokatua dago, astelehenetik ostiralera irekita dago 8:00etatik 14:00etara.

    PHOTO: GARBIGUNEA SAKANA MANK

  • Nafarroak Hondakin Plan berria dauka

    Abenduaren 14an onartu zen Nafarroako Hondakin Planak (NHP), bilketa sisteman bilakaera garrantzitsua proposatzen du; hala, gaika hondakinen % 65 biltzera pasako da. Errefusaren murrizketa bat ere ezartzen da, % 35era pasako dena. Handik, berreskura daitezkeen materialak hautatu ondoren, zabortegirako errefusa % 63tik % 25era jaistea espero da.

    Dokumentua datozen urteetan Nafarroako hondakinak prebenitzeko eta kudeatzeko politikaren oinarrizko tresna da. Barnean sartzen dira, Nafarroan sortutako eta kudeatutako hiri-hondakin, industria-hondakin eta nekazaritza eta abeltzaintzako hondakinetarako Prebentzio Programa eta Kudeaketa Plana. Ekonomia zirkularraren eta klima-aldaketaren egokitzapeneko printzipioetan oinarritzen da.

    Plan berriak 2010-2020ko aurreko Plana ordezkatzen du, Auzitegi Gorenak baliogabetu zuena, eta honako hauei egokitzen zaie: 2008/98/EE Hondakinen Zuzentarau Esparrua, kutsatutako Hondakin eta Lurzoruen 22/2011 Legea, 2016-2022 Hondakinen Esparruko Estatuko Plana eta 2012-2020ko Hondakinak Prebenitzeko Estatuko Programa.

    Aurkezpenean Elizalde kontseilariak aipatu duenez, “plan honekin, Nafarroa, erreferentziazko toki bihurtu nahi da ekonomika zirkularraren kontzeptuan; ekonomia-mota horrek lehengaien erabilera arduratsua proposatzen du, baliabideak ahalik eta gehien aprobetxatzea, eta etengabeko zirkulu batean murrizteko, berrerabiltzeko, konpontzeko eta birziklatzeko araua aplikatzea”.

    Nafarroako Gobernuaren erabakia abenduaren 23ko Nafarroako Aldizkari Ofizialean argitaratuko da. Haren barnean hiri-hondakinak, eraikuntza, industria eta nekazaritza eta abeltzaintzako hondakinak prebenitzea eta kudeatzea sartzen da. Antolaketa: gaiak biltzea eta bereiztea; berrerabilpenerako prestatzea; birziklatzea eta balorizazioa; eta ezabaketa murriztea.

    Kontseilariaren hitzetan, “planak hondakinen prebentzioaren aldeko apustua egiten du, Europar Batasunaren lehentasuneko bat, eta Nafarroak jarritako helburuetako bat. Hondakin gutxiago nahi dugu: % 10 gutxiago 2020an eta % 12 gutxiago 2027an”.

    Murrizketa honez gain, dokumentuaren helburu nagusia hondakin organikoen nahitaezko gaikako bilketa biztanleria osoari zabaltzea da, eta errefusen % 100 tratatzea (bereizitako bilketak egin ondoren lortutako etxeko hondakinen errefusa) zabortegian ezabatu aurretik. Nafarroa guztian hondakinak zuzenean isurtzearekin amaitzea proposatzen du, halaber.

    Planaren neurriak eta ekintzak ezartzeko zenbatekoa –azpiegituretako inbertsioa barne– 149,3 milioi euro da planak irauten duen epe guztirako. Kudeaketa-kapituluan (gaikako bilketa eta tratamendua) 548,7 milioi euro xahutuko da.

    Hondakinen Etorkizuneko Foru Legea
    Informazio-ekitaldi honetan partaidetza-prozesuan adostutako neurriak aurkeztu dira. Haien artean nabarmendu behar da, 2017ko urtarriletik aurrera idazten hasiko den Nafarroako Hondakin Legearen aurreproiektua egitea. Lege berriak, Nafarroako Gobernuaren eta toki-erakundeen artean koordinatuta, Foru Komunitateko etxeko eta merkataritzako hondakinen kudeaketa egokia bermatu beharko du,eta beharrezko baliabide ekonomikoak zein izan daitezkeen egoerak ziurtatu beharko ditu.

    Bestalde, Ingurumeneko zuzendari nagusia den Eva Garcíak Hondakinak Prebenitzeko Bulego bat abian jarriko dela iragarri du zirkulartasuna eta prebentzioa sustatzeko, ekintza-planak bideratzeko eta babes teknologikoa eskaintzeko. Bulegoa 2017ko urtarrilean abian jarriko da Gestión Ambiental de Navarra enpresa publikoaren langile teknikoekin.
    Garciak kontrolean eta jarraipenean aurrerapenak egin direla esan du instalazioen efizientzia hobetzeko: “Fluxuak bereizteko kontrolerako eta berrantolaketarako sistemak abian jarri dira, zabortegiak ixteko eta berrezartzeko proiektuak hasi dira Arbizun edo Culebreten”. Gainera, laster kanpaina bat hasiko da materia organikoa biltzeko mankomunitateen laguntzarekin”.

    Aurkezpenaren bideoa.

  • Altsasun 5. edukiontziaren inguruko bulegoa ireki da

    Altsasun bosgarren edukiontzia jartzeko prozesua abian da. Honen inguruan edo hondakinen bilketaren inguruan herritarrek dituzten zalantzak argitzeko, bulegoa ireki da Baratzako Bideko lokomotora zaharrean. Bulegoa astelehen, asteazken eta ostiraletan egongo da irekia 10:00etatik 13:00etara eta 17:00etatik 19:00etara. Doako informazio telefonoa berriz: 900 730450 da.

  • Altsasun 5. edukiontzia ezartzeko bilerak hasiko dira

    Sakanako Mankomunitatetik, Altsasuko Udalarekin elkarlanean, 5. edukiontzia ezartzeko prozesuari hasiera eman diogu. Prozesu honen lehen pausu bezala, azaroaren 14ean (astelehena) eta 15ean (asteartea), 11:00etan eta 18:00etan Altsasuko herritar guztientzako bilera informatiboak egingo ditugu Iortia Kultur Gunean, non ezartze honen zergatiak eta proposamen orokorra azalduko diren. Bilerak berdinak izango dira, hobekien datorkizuna aukeratu dezazun.

    Gure asmoa informazio hau eskutitz bidez zuen guztion etxeetara iristea bazen ere, Mankomunitatetik kanpoko akats bat dela eta baliteke eskutitza garaiz ez iristea zuen etxeetara. Hori dela eta, eskertuko genizueke informazio hau zuen inguruan zabalduko bazenukete. Espero dugu akats hau ez dela gehiago errepikatuko. Sortu daitezkeen eragozpenengatik barkamena eskatu nahi dizuegu baita ere.

    Edozein zalantza baduzue edo informazio gehigarria behar baduzue, 900 730 450 doako telefonora dei dezakezue.

    leheneskutitza

  • Hondakin bilketa zerbitzuko lan poltsa sortzeko frogak

    Sakanako Mankomunitateko Hiri Hondakinak Bildu eta Tratatzeko Zerbitzurako peoi-gidari izateko lan-poltsa sortuko da oposizio-lehiaketa bidez.

    Lanpostuko zereginak hiri hondakin solidoak bildu, garraiatu eta tratatzea izango da Sakanako Mankomunitateko lurralde esparruan, baita Ataleko buruak agintzen dizkienak ere Mankomunitatearen instalazio eta ibilgailuei dagozkien mantentze eta konpontze lanetan.

    Probak egiten hasiko dira aurki. Probak egiteko onartuen behin-behineko zerrenda, hemen argitaratuko da uztailaren 4an.

    Lan Poltsa –  Behin Behineko Zerrenda (2016/07/04)

    Lan Poltsa – Onartuen eta baztertuen behin betiko zerrenda (2016/07/07)

    Peoien B1 euskarako ahozko gaitasun froga uztailaren 11an gauzatuko da Sakanako Mankomunitatearen egoitzan, Lakuntzako Uriz kaleko 32an. Froga egin beharko dutenen zerrenda honako hau da.

    Uztailaren 8an merituen balorazioa (hemen emaitzak) egin zuen Olatz Garde hondakin zerbitzuko arduradunak, Nerea Malkorra Mankomunitateko kontu-hartzaileak, Itziar Zudaire hondakin zebituko hezitzaileak eta Alberto Urkia Mankomunitateko idazkariak osatutako epaimahaiak.

    Lan poltsa osatzeko froga teorikoa uztailaren 14an goizeko 10:00etan egingo da Sakanako Mankomunitatearen egoitzan, Lakuntzako Uriz kaleko 32an. Hona hemen euskara frogaren emaitzak eta teorikoa egiteko sailkatu direnen merezimendu emaitzak eta akademikoak.

    Uztailaren 14an  Olatz Garde hondakin zerbitzuko arduradunak, Nerea Malkorra Mankomunitateko kontu-hartzaileak, Itziar Zudaire hondakin zebituko hezitzaileak eta Alberto Urkia Mankomunitateko idazkariak osatutako epaimahaiak hautagaiek froga teorikoa egin odoren lan poltsaren eraketa ebatzi du. Ikus emaitzen akta hemen.

    Honela gelditu da lan poltsa hurrenez hurren:

    Iñigo Zuazagoitia Rey-Baltar
    Jazinto Bengoetxea Perez Villar
    Patxi Campos Lazkoz
    Jon Txomin Larrion Igoa
    Sandra Gasco Aldeano
    Joaquín Larrea Zabalo
    Ereide Gartziandia Imaz
    Oihan Razkin Azpiroz
    Fco Javier Paz Miño
    Jose Manuel Navarro Pardo
    Gorka Urteaga Arduia
    Pilar Saralegui Goldarazena
    Miguel Angel Razkin Zufiaurre
    Angel Barandalla Iriarte
    Pedro Jose Dendariarena Carlosena
    Elena Etxeberria Lantz
    Isaak Landa Otaegi

  • Altsasuko Udala eta Sakanako Mankomunitatearen arteko akordioa gaikako bilketaren inguruan

    Sakanan atez ateko bilketa sistemak %78ko gaikako hondakin bilketa datua uzten du hilero. Datu honetara gerturatu asmoz, Altsasuko Udalak 5. edukiontzia eta auzo eta autokonposta guneak jarriko ditu.

    Hondakin bilketaren eskumena Mankomunitatearena da Sakanan, eta Mankomunitatean uste dugu, gaikako hondakin bilketako emaitza onenak ematen dituen sistema atez atekoa dela baina eskualdeko gainontzeko herrietan bezalaxe, Altsasuko Udalak hartu duen erabakia errespetatzen du Mankomunitateak. Udalak uste du urte baten buruan desio dituen datuak jasoko dituela.

    Hori dela eta, gaur 2016ko uztailaren 5ean sinatu da “ALTSASUKO UDALA ETA SAKANAKO MANKOMUNITATEAREN ARTEKO AKORDIOA GAIKAKO BILKETAREN INGURUAN”. Bertan, Sakanako Mankomunitateak eta Altsasuko Udalak, egun herriak duen gaikako bilketaren datua ikusita, 2017ko abenduaren 31an hondakinen %65 gaika biltzeko helburua finkatu dute. Era berean, hiri hondakinen bilketaren eta trataeraren entitate arduradun gisa, datozen sei hilabete hauetan informazio kanpaina hasiko du Mankomunitateak hiru gai hauen inguruan: bilketa selektiboa orokorrean, auzo eta auto konposta, eta edukiontzi marroian bilduko den hondakin organikoaren inguruan. Azken helburua herritarrak borondatez bilketa selektiboan parte hartzeko izen ematea izango du herriaren bilketa tasa nabarmen hobetu dadin.

    Helburuak betetzeko, ekintza hauek garatuko dira:
    1. Prozedura azaltzen duen gutunaren bidalketa.
    2. Tokiko eta herrialdeko komunikabideetara bidalitako oharrak eta albisteak.
    3. Bilera parte-hartzaileak. Guztira lau bilera eginen dira (egun eta ordu desberdinetan herritar  guztiek joateko aukera izan dezaten)  bertan, sistema berria azalduko da modu orokor batean, aldaketaren zergatiak eta onurak azalduko dira, bizilagunen iritzi eta iradokizunak entzun eta kontuan hartuko dira…
    4. Informazio bulegoaren irekiera.
    5. Bilketa guneen esposizio publikoa. Panelak jarriko dira interesguneetan (Informazio bulegoa, udala, kultur etxea…).
    6. Material banaketa: pertza, gida, hiztegia, giltza.
    7. Sistema berria ezarriko da.
    8. Emaitzak azaltzen dituen gutuna helaraziko da.

    Akordioa Mank_Altsasu 006

    Javier Ollo, Altsasuko alkatea eta Aitor Karasatorre, Mankomunitateko lehendakaria akordioa sinatzen.

  • Lan poltsa osatzeko deialdia

    Oposaketa bidez Sakanako Mankomunitateko Hondakin bilketa eta tratamendu Zerbitzurako peoien lan poltsa osatzeko deialdia

    1.-Arau orokorrak.

    1.1. Deialdi honen helburua oposaketa bidez Sakanako Mankomunitateko Hondakin bilketa eta tratamendu Zerbitzurako peoien lan poltsa osatzea da. Modu honetan, jadanik baden zerrenda osagarri bat sortuko da, izan ere aipatu zerrendako onartuak ez dira nahikoak.

    1.2. Peoi postuak behin behineko lan izaera dute, eta ordainsariak hitzarmen kolektiboan zehaztutakoak izango dira.

    1.3. Lanaldiaren erregimena Zerbitzuaren beharretara egokituko da eta beronen beharren arabera aldatu ahal izanen du eskumena duen administrazio sailak.

    2.-Aurkeztutako pertsonen betekizunak.

    2.1. Deialdi honetan onartuak izan daitezen, aurketutako pertsonek izen emate datak irauten duen bitartean honako hauek aurkeztu beharko dituzte:

    a) Adinez nagusi izatea, espainiar estatukoa izatea, Europar Batasuneko estatu bateko kide izatea edo Europar Batasunarekin langileen mugimen libreko hitzarmena sinatua duen estatu bateko izatea eta Espainiak hitzarmen hori onartua izatea.

    b) Eskolaratze Ziurtagiria edo baliokidea izatea.

    c) Bete bear diren lanak gauzatzeko gaitasasun fisikoa eta sikikoa izatea.

    d) B karneta izatea.

    e) Euskararen ezaguera: B1 Euskara maila ziurtagiria izan beharko du eta bestela, dagokion froga gainditu behar beharko da.

    3.-Eskabideak.

    3.1. Sakanako Mankomunitatean (Uritz kalea 32, 31830 Lakuntza) bulego ordutegian, 8:00etatik 15:00etara, 2016ko uztailaren 1 baino lehen aurkeztu beharko da eskabide orria (Hemendik deskargatu dezakezu) ,bulegoetara bertaratuz edo posta ziurtatu bidez.

    Deialdia osorik gazteleraz hemen

  • Zero Zabor herrien bilkura Italian

    Maiatzaren 20 eta 21ean Capannorin (Italia) Zero Zabor Herrien bilkura ospatu da. Zero Waste Europek antolatutako ekitaldian izan dira Aitor Karasatorre Sakanako Mankomunitateko lehendakaria, Aritz Ayesa Iruñerriko Mankomunitateko lehendakaria eta Luis Intxauspe Hernaniko alkatea.

    Zero Zabor bidean hondakinen kudeaketa egokia egiten duten herriak daude aipatutako sare honetan. Guztien artean ezagunena, Veneton kokaturiko Contarina eskualdea da egiten duen lan txukunagatik. Zero Waste Europen helburuetako bat berriz, Zero Zabor norabidean etengabeko konpromisoak hartzeko prest dauden udalerriei gauzak erraztea eta laguntzea da.

    Capannoriko-jardunaldiaUdaletako ordezkariak, tartean Intxauspe hernaniarra.

    Maiatzaren 20an Capannoriko Udaleko pleno aretoan hamar herrialdeetako (Irlanda, Italia, Eslovenia, Frantzia, Euskal Herria…) ordezkariak elkartu ziren. Bertan, Europako Zero Zabor herrietako lau esperientzia aurkeztu ziren herri bakoitzeko zinegotzi edo alkateen eskutik: Parma, Campannorim, Miramas eta Hernani. Luis Intxauspek Hernaniko gaikako bilketaren esperientzia azaldu zuen, inguruko herri askotan azken urteotan izandako bilakaeraren berri emanez. Gipuzkoan hondakinen kudeaketa liskarrarekin lotzeko saiakerak dauden bitartean, Europan eredugarritzat ikusten da Gipuzkoan egiten ari den lana eta goraipatu egiten da. Goizeko atalari amaieran emateko Zero Zabor Herrien Sareari buruz azalpenak eman zituzten Zero Waste Europeko kide diren Joan Marc Simonek eta Enzo Favoinok.

    Teoria praktikara nola eraman ikusteko berriz hiru gune bisitatu zituzten bilkurako partaideek: DACCAPO berrerabilpenerako zentroa, LUCENSE COMPANY and RESEARCH CENTER, hondakin soberakinei irtenbidea emateko azterketak egin eta proposamenak egiten dituen zentroa eta ZERO WASTE RESEARCH CENTER errefuseko hondakin birziklagarrien inguruan hausnartu eta erabakiak hartzeko zentroa.

    Hurrengo egunean, Capannorin gaikako bilketa atez ate nola egiten duten ikusi ahal izan zuten bisitariek udal ordezkarien eskutik argibideak jasoz. Bestalde, Florentziako “Mothers against Incineration” elkarteak errauste planta basten aurka daraman borrokaren berri eman zuen.

    Zero Zabor Ingurumen Babeserako Elkarteak jardunaldia arrakastatsutzat baloratu du eta bertaratuko Hernaniko Alkateari eta Nafarroako Mankomunitateetako lehendakariei azalduriko interesa eskertu nahi izan die. Bide batez aurreratu du, Zero Zabor Herrien Sarea – Euskal Herria udazkenean lantzen hasteko asmoa dutela.

    Capannoriko-jardunaldia-20160520-21Jardunaldiko partaide guztiak, ezkerrean behean ordezkari euskaldunak.

  • NHKPI – PIGRN

    Hondakinak Kudeatzeko Plan Integratua 2025

    Nafarroako Hondakinak Kudeatzeko Plan Integratuak (NHKPI) hondakinen arloko estrategia finkatuko du Nafarroarako, 2016tik 2025era. 2016 honetan, plana zer izanen den zehaztuko dugu, betiere eztabaidarako irekia dagoen zirriborro-agiri bat abiaburu harturik, testua urte bukaeran taxutua egon dadin.

    Itzulerako Lurralde Bilera
    (Ondorioak eta Itxiera)
    Kultur Etxea, San Migel k., zk.g.
    IRURTZUN, MAIATZAK 30, 18:30

  • Emauseko Trapuketariek 20 urte Sakanako bilketan

    Emauseko Trapuketariek 1995. urtean hasi zuten Sakanan barrena atez ateko altzarien  bilketa, eta egun, tamaina handiko objektuen bilketarekin eta Arbizuko Transferentzia guneko Puntu garbiko objektuen bilketarekin osatzen dute lana.

    Sakanako 31 herrietako 20.504 biztanleri ematen zaie zerbitzua. Zerbitzuen eskaintza jarraiak eta herritarren parte hartzeak 15 aldiz biderkatu du era egokian kudeatzen diren materialen kopurua, hortik berreskuratzen dena % 90,47 inguru da. 2015ean 256,5 tona jaso eta haietatik % 9,47 berrerabili eta % 72,3 birziklatu ziren.

    2015ean 256.532 kg. hondakin
    JASOTAKOA 256.532 kg 100 %
    Berrerabilia 21.548 kg 8,4 %
    Birziklatua 185.600 kg 72,3 %
    Errefusa 49.118 kg 19,2 %
    % 80,7 BERRESKURATUA

    Hondakinen kudeaketan legediaren bidetik, Zero Zabor helburu
    Gure ekoizpen ereduaren ondorioz sortzen den hondakin kopurua IZUGARRIA da. Ekoitzitako ondasunen eta kontsumo gaien %90 hondakin bihurtzen dugu pertsonok. XXI. mendean sartuta, planetak natura berritzeko duen gaitasuna pasatua dago, naturak sortu dezakeena baino baliabide gehiago kontsumitzen dugu.

    Zorionez, Europako nahiz Estatuetako legediek hondakin‐ekoizpenaren murrizketaren eta berrerabilpenaren alde egin dute apustu. 2030ko Europan Zero Zabor helbururako bidean, zenbait herrialdek ekonomia zirkularraren aldeko apustua egin dute honezkero, tartean Sakanako Mankomunitateak. Alegia, ekoizkinen bizi‐zikloa egoki ixtea, alde batera utziz “hartu‐ekoitzi‐kontsumitu‐deuseztu” ekonomia jasangaitz hori.

    Europako 2008/98/CE Zuzentaraua bera sortu aurretik ere Sakanako Mankomunitateak abian jarria zuen hondakinen kudeaketaren hierarkia europarra Emauseko Trapuketarien zerbitzuen bitartez:
    1. Prebentzioa: Aurre‐lana, egunero ekoizle nahiz kontsumitzaileok sortzen ditugun hondakinak murrizte aldera.
    2. Berrerabilpenerako prestaketa: Ikuskatzea, garbitzea eta konpontzea berriz erabili ahal izateko.
    3. Birziklapena: Hondakinen eraldaketa, materialak bereziz eta sailkatuz berriz ere lehengai gisa  erabiliak izan daitezen.
    4. Bestelako balioeste bideak.
    5.Deuseztatzea: Egoera txarrean diren gauza eta materialak, berrerabili edo birziklatu ezean, zabortegira doaz.

    Atez ateko bilketa, berrerabilpenerako biderik egokiena
    Prebentzio lanaren ondoren, berrerabilpenerako prestaketa hobeki bermatzen duen bilketa da atez atekoa. Objektuak sor‐lekuan jasotzean berrerabilpena eta birziklapena errazten dute, izan ere, eskuz egiten denez, gauzak era egokian tratatzeko aukera ematen du. Gainera, hondakinen kudeatzaileen eta herritarren arteko harremana bermatzen du. 2015ean Emauseko Trapuketariek eskualdeko 31 herrietan, 1.440 etxeetan jaso zituzten objektuak eta 154 kamioi bete zituzten. Bestalde, Arbizuko Transferentzia guneko Puntu garbitik 27 tona TEEH (Tresna Elektriko eta Elektronikoen Hondakinak) bildu zituzten.

    Hamabi kilo bizilagun bakoitzeko 2015ean
    Hondakinen kudeaketa zuzenaren bidean, 2015ean Sakanako bizilagunek 256,5 tona biltzea lortu dugu –12,5 kilo lagun bakoitzeko‐. Horietatik gehienak berreskuratu egin dira, birziklatuz edo berrerabiliz.

    Kg. % Jatorria
    ALTZARIAK ETA BESTE 174.238 kg. 67,9 5 Etxeak eta garbigunea
    TEEH (Tresna Elektriko eta Elektronikoen Hondakinak) 62.184 kg. 24,2 % Etxeak eta garbigunea
    ARROPA 20.110 kg. 7,8 % Etxeak eta garbigunea
    GUZTIRA 256.532 kg. 100 %

    Bildutako objektu eta material guztiek, hasieratik, bereizketa eta sailkapen bidea egiten dute:

    • Berrerabili: arropak, liburuak, altzariak, jostailuak,  etxetresnak… Ongi daudenak edo konpondu daitezkeenak zuzen doaz tailerretara, dendetara bidali eta bigarren bizitza-aldirako ongi prestatu eta konpontzeko.
    • Birtziklatzea: objektuak desegin (desguazatu) egiten dira eta materialak bereizi eta sailkatu berriz erabili ahal izan daitezen lehengai gisa edota ordezko pieza gisa.

    traperos

  • Sakanako hondakin bilketaren datuak

    Sakanako hondakin bilketaren zenbaketa zehatza gauzatu da 2015 urtean zehar eta hauek dira azterketa horrek eman dituen emaitzak.

    Sakanan, nolabait esateko hiru bilketa sistema daude ezarrita. Altsasun eta Irurtzunen ohiko edukiontziak daude karriketan. Irurtzunen 2015eko otsailaren erdialdean zortzi auzokonpost gune jarri ziren martxan eta 100 etxe inguru apuntatuta daude eta beste familia batzuk autokonposta egiten dute. Altsasun ere bada autokonposta egiten den etxerik ere. Bestalde, 2013ko uztailan ezarri zen sistema mistoa dago, hau da, ontzi arinak, errefusa eta papera/kartoiarentzako edukiontziak daude kalean, giltzapetutako etxoletan sartuta, eta materia organikoa derrigorrez auto edo auzokonpostaren bitartez kudeatu beharko dute, herrian bertan. Sistema hau Ziordia, Ergoiena, Lizarragabengoa, Arruazu, Irañeta eta Arakilek erabiltzen dute. Gainontzeko herri guztiek 2013ko uztailean ezarri zen atez ateko bilketa sistema darabilte. Hau da, egutegi bat dute gai desberdinak zintzilikatzeko. Organikoa berriz postean utzi dezakete (astean bitan biltzen da) edo autokonposta edo auzokonpostaren bitartez kudeatu dezakete.

    Inpropioak

    Inpropioa behar ez duen biltegian amaitu duen gaia da, adibidez, eduki ontzi urdinera botatako brika. Sakanako herrietan 169.779 kg inpropio bildu dira eta poligonoetan 6.547 kg, guztira 176.326 kg.

    Inpropio kantitaterik handiena hontzi arinek jasotzen dute, 115.376 kg %23 inguru. Emauseko traperoak dira hurrengoak 51.104 kg inpropiorekin, nahiz eta beste hainbeste baino gehiago den Emausek bildu eta berrerabiltzen duen kilo kopurua 60.591 kg. Inpropio gutxien jasotzen duen eta beraz, hobekien sailkatzen den gaia organikoa da, %2ko inpropioarekin.

    Errefusa

    Errefus kilo gehien Altsasuko herri bilketan jasotzen da (poligonoa kontuan izan gabe) guztira 2.144.615kg biltzen dira. Irurtzunen, 599.810 kg errefus, atez ateko herrietan 648.020 kg. eta sistema mistoan 33.760 kg. Guztira, 4.401.365 kg errefus bildu dira azken urtean Sakanan.

    Organikoa

    Sistema desberdinek organiko datu hauek eman dituzte kilogramotan: Altsasun 54.367 kg, Irurtzunen 49.774 kg, sistema mistoan 306.502 kg eta atez atekoan 963.046 kg. Guztira 2.009.221 kg organiko kudeatu dira. Mendigorriako Biomendi materia organikoaren kudeaketa zentrura eramandako kilo kopurua berriz, 373.450 izan da.

    Ontzi arinak

    Guztira Sakanan jasotako eta Azkoiengo ontzi arinen kudeaketa etxera eramandako kilo kopurua 491.486 izan dira, horietatik 463.537 kg hiri hondakinak izan dira eta poligonoetan jasotakoak 27.948 kg. Altsasu herrian 149.150 kg jaso ziren, Irurtzunen 57.100 kg, atez ateko herrietan 256.180 kg eta sistema mistoko herrietan 65.400 kg.

    Papera eta kartoia

    Papera eta kartoiaren bilketak honako datu hauek utzi dizkigu:

    • Altsasu herria 292.700 kg

    • Altsasu poligonoak eta atez ate komertzioak 135.040 kg

    • Irurtzun herria 101.910 kg

    • Irurtzun poligonoak 30.330 kg

    • Atez ateko herriak eta poligonoak 437.240 kg

    • Mistoa 61.050 kg

    Sakanan, guztira hiri hondakin moduan 819.361 kg kartoi jaso dira, poligonoetan 238.908 kg eta guztira 1.058.270 kg.

    Erabilitako olioa

    Garbigunea eta puntu garbi mugikorraren artean 7.973 kg jaso dira, Altsasun 5.366 kg, Irurtzunen 1.625 kg, atez ateko herrietan 5.259 kg, sistema mistoa duten herrietan 326 kg. Guztira, 20.549 kg sukaldeko olio jaso dira 2015 urtean.

    Arropa

    Arropa bilketa herrietan kokaturik dauden burdinezko edukiontzi batzuen bidez egiten da. Eduki ontzi horiek Humana, Euskadi-Congo eta Emauseko Trapuketariak gobernuz kanpoko erakundeek kudeatzen dituzte. Hauek dira GKE hauentzat bildu ditugun kopuruak:

    • Humana Altsasu:18.905 kg

    • Humana Irurtzun: 7.985 kg

    • Humana atez ate: 36.798 kg

    • Humana mistoa:1.398 kg

    • Euskadi-Congo Altsasu: 2.884 kg

    • Euskadi-Congo Irurtzun: 0 kg

    • Euskadi-Congo atez ate: 4.615 kg

    • Euskadi-Congo mistoa: 0kg

    • Emmaus: 16.265kg

    Guztira jasotako arropa eta ehun kopurua kilotan 88.851. Baina zaindu behareko zerbait da, izan ere, hauetatik 52.404 kg inpropioak ziren.

    Beira

    Beira bilketa Ecovidrio enpresak kudeatzen dituen iglu bidez egiten da eskualde osoan. Hauek dira iglu horiek bildu dituzten kopuruak:

    • Altsasun 216.847 kg

    • Irurtzunen 58.951 kg

    • Atez ateko herrietan 248.389 kg

    • Sistema mistoko herrietan 63.268 kg

    Guztira bildutako beira kilo kopurua 587.455 izan da.

    Bestelakoak

    Biltzen diren bestelako hondakinak kilotan:

    • Silo plastikoa (Bidasoa Ecogestión) 30.440 kg

    • Filma poligonoetan (Bidasoa Ecogestión) 41.260 kg

    • Gai arriskutsuak garbigunean (SEN) 11.725 kg

    • Obra txikietako hondakinak (Gabirondo) 21.300 kg

    • Egurra Arbizuko TG (Despanorsa/Maderas Navarro) 47.900 kg

    • Tresna elektriko eta elektronikoak garbigunean 28.645 kg

    • Tresna elektriko eta elektronikoak Emmaus 33.270 kg

    • SIGRE (botikak) Altsasu 626 kg

    • SIGRE (botikak) Irurtzun 184 kg

    • SIGRE (botikak) atez ate 648 kg

    • SIGRE (botikak) mistoan 165 kg

    • Ibilgailuak 13.594 kg

    Guztira bestelako hiri hondakinak 339.864 kg, bestelakoak poligonoetan 71.700kg eta guztira 411.564 kg.

    Osotara 9.068.762,32 kg hondakin kudeatu ditugu eskualdean 2015. urtean, selektiboki bilduta edota konpostatuta 4.667.397,32 kg. Gaikako bilketa tasa, poligonoak barne (%) 51.47koa da eta birziklapen tasa, poligonoak barne (%) 49.52koa.

    Konposta

    Eskualdeko organikoa bildu eta tratatzeko moduak lau dira: Ohiko edukiontziak Altsasun eta Irurtzunen, atez ateko bilketa, auzokonposta guneak eta autokonposta egitea. Eskualdean guztira 10.400 etxebizitza daude eta horietatik 6.055ek beraien materia organikoa konposta bihurtzen dute. Hauek dira datuak:

    Herriak

    AUTOKONPOSTA 

    AUZOKONPOSTA

    ATEZ ATE

    Altsasu

    162 etxe

    0 etxe

    0 etxe

    Irurtzun

    51 etxe

    98 etxe

    0 etxe

    Atez ateko herriak

    1074 etxe

    1798 etxe

    1531 etxe

    Sistema mistokoak

    501 etxe

    662 etxe

    3 etxe

    Gai organikoa biltzeko sistema eta proportzioak:

    gai organikoa biltzek osistema

    Gaikako bilketaren bilakaera Sakanan

    gaikako bilketaren bilakaera

  • Ordenantza fiskala, etxeetako hondakinen bilketa, tratamendua eta ustiapen tasak arautzen dituena

    ORDENANTZA FISKALA, ETXEETAKO HONDAKINEN ETA GISAKOEN BILKETA, TRATAMENDUA ETA USTIAPENA EDO DEUSEZTATZEA ETA ZERBITZU HORREK ESKAINTZEN DITUEN GAINERAKO JARDUERAK EGITEKO 2016KO TASAK ARAUTZEN DITUENA

    I. KAPITULUA

    Oinarria

    1. artikulua. Ordenantza fiskal hau Nafarroako toki entitateei aplikagarri zaien araudi fiskalak ematen dizkien ahalmenen babesean eta beraiekin bat ezarri da.

    II. KAPITULUA

    Ordainarazpenaren izaera

    2. artikulua. Ordenantza honen xedea tasak ezartzea da, etxeetako hondakinak eta gisakoak bildu, tratatu, aprobetxatu edo desegiteko zerbitzua egiteagatik eta horrekin zerikusia duten gainerako jarduerengatik.

    Ezarri diren ordainarazpenen izaera fiskala, hortaz, martxoaren 10eko Nafarroako Toki Ogasunei buruzko 2/1995 Foru Legearen 100. artikuluak aipatzen dituen zerbitzuak egiteko tasena da.

    III. KAPITULUA

    Aplikazio eremua

    3. artikulua. Ordenantza hau Mankomunitatea osatzen duten udal mugape osoetan aplikatuko da, baldin eta zerbitzu hori benetan ematen bada.

    Aldiz, Mankomunitatekoak ez izan arren, halako entitate edo pertsona batzuek tasa hauen bidez finantzatzen diren zerbitzuak hartzen badituzte haiei ere aplikatuko zaie ordenantza hau.

    IV. KAPITULUA

    Zergapeko egintza

    4. artikulua. Ordenantza honen xedeko zerbitzu edo jarduerak eskura izateak edo/eta erabiltzeak dakar zergapeko egintza. Zerbitzu eta jarduera horiek ondotik aipatzen dira eta beren tasak sortzen dituzte:

    1. Etxeetako hondakinak eta gisakoak bildu, eta garraiatzeko nahitaezko zerbitzua eskura izan edo/eta erabiltzea, Hondakinei buruzko Legeari jarraituz, kasu hauetan:

    a) Etxekoak.

    b) Zerbitzuak.

    c) Merkataritzakoak eta industriakoak.

    d) Bulego publikoak.

    e) Ikastetxeak

    f) Osasun zentroak

    g) Zahar etxeetakoak.

    h) HHSak biltzeko edukiontzia izatea.

    Tarifa bakoitzean sartutako jardueren zerrenda ez da zehatza, eta beraz, espresuki aipatu gabeko beste jarduera berdintsuak sartzen dira, antzekoak badira.

    2. Borondatezko zerbitzu hauek ematea:

    a) Ohiko nahitaezko zerbitzutik kanpoko bilketa zerbitzu berezia.

    V. KAPITULUA

    Subjektu pasiboa

    5. artikulua.

    1. Ordenantza honetan ezartzen diren tasak ordaintzera beharturik dauden subjektu pasibotzat hartuko dira, zordunak diren aldetik, pertsona fisiko zein juridikoak, jaraunspen banatugabeak, ondasun komunitateak eta, lege nortasunik ez izanik ere, unitate ekonomikoa edo ondare berezia osatzen duten eta zerga ezar dakiekeen bestelako erakundeak, baldin eta edozein titulu dela bide, etxebizitzak, egoitzak, saltokiak eta dendak okupatzen, erabiltzen edo baliatzen edo ustiatzen badituzte edo bertan bizi badira, haien alde nahitaezko zerbitzu orokorra ezarriz gero.

    Toki Ogasunei buruzko martxoaren 10eko 2/1995 Foru Legearen 104.2 a) artikuluaren arabera, zorduna ordezten duten subjektu pasiboak dira Udal bakoitzeko Katastroko Erregistroan edo eraikin horien Hirilurreko Ondasunen gaineko Erregistro Fiskalean jabe gisa agertzen direnak Tasa ordezten dutenei igorriko zaie eta horiek, kasuan kasuko onuradunei erasaten ahalko diete.

    2. Borondatezko zerbitzua denez, pertsona edo erakunde eskatzaileak edo hondakinen titularrak dira zergak ordaintzera behartuta dauden subjektu pasiboak.

    Kontzeptu batengatik edo bestearengatik titulartasunean edo erabileran ondorengoak direnei eskatzen ahal zaie pertsona fisikoek zein juridikoek egindako ustiapenen edo ekonomia jardueren ondoriozko zorra.

    Ordaintzeko borondatezko epea akituta, eskuratzailea eta eskualdatzailea zorraren erantzule solidarioak izanen dira.

    Norbaitek ustiategi edo jarduera ekonomiko baten titulartasuna eskuratu nahi badu, gaurko titularrak aldez aurretik baietza emandakoan, eskubidea izanen du Mankomunitateari eskatzeko kasuan kasuko jardueran edo ustiategian aritzearen ondorioz diren tributu-zorren ziurtagiri zehatza.

    VI. KAPITULUA

    Zerga-oinarria

    6. artikulua.

    1. 4. artikuluko 1. ataletan ezarritako zergapeko egintzetarako, honako hau da tarifa aplikatzeko zerga-oinarria:

    –1-A zergapeko egintzarako: Bizitegia den edo izan litekeen katastro unitatea. Bizitegitzat hartuko da, hasiera batean, katastroko edozein unitate, salbu eta Udalak ziurtatzen badu aurri egoeran dagoela.

    Etxebizitza bat jarduera ekonomikoen gaineko zergari lotutako jardueraren baten kokalekua bada, tasarik handiena aplikatuko da:

    –1-B, 1-C, 1-D, 1-E, 1-F eta 1-G zergapeko egintzetarako: establezimenduunitatea edo jarduera, jarduera ekonomikoen gaineko zergan (JEZ) inskribaturik badago, betiere lokal batean gauzatzen bada, edo funtzionatzen ari bada, egon gabe ere zerga horren menean. Establezimendu unitatea dagoela ulertuko da katastroko unitatea dagoenean.

    –4.1.2.a) artikuluko zergapeko egintzarako, emandako zerbitzuaren kostua.

    –1-H zergapeko egintzarako, edukiontzien kopurua, haien edukiera eta bilketaren maiztasuna.

    2. Establezimendu bera JEZaren bi epigrafe edo gehiagotan inskribaturik badago, zenbatekorik handiena duen tarifa aplikatuko da.

    VII. KAPITULUA

    Tarifak

    7. artikulua. Tributu-kuota kalkulatzeko, ekitaldi bakoitzean organo eskudunak ezarriko ditu tasa bakoitzaren zerga-oinarriari aplika dakizkiokeen tasa eta tarifak, eta ordenantza honen eranskinean agertuko dira, haren parte direlarik.

    VIII. KAPITULUA

    Tributu-kuota

    8. artikulua. Zerga-oinarriari dagokion tasa edo tarifa eta indize zuzentzailea aplikatu eta kuotaren zati finkoa -erabilera bakoitzari dagokiona- gehitzetik ateratzen den emaitza da tasa bakoitzaren tributu-kuota.

    Ateratzen den kuotak, guztira, ezin izanen ditu eranskinean adierazitako gehieneko zenbatekoak gainditu.

    9. artikulua. Ateratzen den tributu-kuotaren gainean aplikatuko dira legeek aldi bakoitzean finkatzen dituzten zeharkako zergak, legeek ezarritako moduan eta baldintzetan.

    IX. KAPITULUA

    Salbuespenak

    10. artikulua. Nafarroako Parlamentuak onetsitako foru legeetan espresuki aipatzen direnak izanen dira onartuko diren salbuespen eta hobari bakarrak.

    X. KAPITULUA

    Hobariak

    11. artikulua.

    1. Kuota berezia, Gizarte Segurantzak edo Nafarroako Mendekotasun Agentziak ordaindutako prestazioen onuradunendako (alargunak eta/edo erretirodunak).

    Etxeko tarifak sortutako tributu-kuotan %100eko hobaria izateko eskubidea izanen da, ordaintzera beharturik dagoena Gizarte Segurantzaren (alarguna eta/edo erretiroduna) edo Nafarroako Mendekotasun Agentziaren prestazio baten onuraduna denean, haren zenbatekoa Gizarte Segurantzako Ministerioak urte horretarako Lanbide arteko Gutieneko Soldata (14 ordainsari) baino gehiago ez bada edo 1,35 aldiz zenbateko hori, ezkontidea edo antzeko bizikidetza harremana duen pertsona, bien diru-sarrerak batuta. Ezkontidea ez den beste ezein familia-zamarik izanez gero (adin txikiko seme-alabarik, 23 urte arteko eta adin horretako seme-alabarik ikasketa egiten ari edo legezko langabetu egoeran, edo seme-alaba ezindurik eta diru-sarrerarik gabeak), aipatutako diru-muga horiei mendeko lagun bakoitzagatik delako zenbateko hori 0,23 aldiz gehituko zaie.

    Ezin izanen dute tarifa honetaz baliatu, aurreko baldintza beterik ere, urteko kopurua delako zenbateko hori bider 1,13 baino handiagoa batzen duten beste diru-sarrera gehigarriak jasotzen dituztenek, eskatzailearen eskutik zein etxebizitza berean bizi direnen eskutik. Orobat, eskatzailearen edo bizilagunen ondare higigarria nahiz higiezina ez da 21.000 euro baino handiagoa izanen, ohiko etxebizitzaren balioa kenduta.

    Aipatu baldintzak betetzen dituztela erakusteko, eskatzaileek honako hauek aurkeztu beharko dituzte:

    a) Eskabidea.

    b) Hartzen den laguntzaren ziurtagiria.

    c) Errentaren edo ondarearen aitorpena, edo hura aurkeztera beharturik ez daudela dioen Ekonomia eta Ogasun Departamentuaren ziurtagiria, baita eskatzailearen edo bizilagunen diru-sarrerak frogatzen dituzten bestelako dokumentuak ere.

    d) Bizikidetzako ziurtagiria, udal erroldakoa.

    Hobari hori jaso dezakete errentamendu kontratu baten titularrek, aurreko baldintzak betez gero, betiere frogatzen badute errentamendu kontratuaren bidez etxebizitzaren titularrak haiei igortzen zaiela etxeari dagokion tasa.

    Sakanako Mankomunitateak noiznahi ikuskatzen ahal du egoera berezi horretarako eskatzen diren baldintzak betetzen ote diren, eta kendu eginen ditu baldintzak betetzeari utzi dioten onuradunak, baita egiaztatzeko dokumentuak eskatu eta haiek aurkezten ez dituztenak ere.

    2. Aurreko hobariaren eskubidea izateko, eskaera egin beharko zaio Mankomunitateari, baita aurreko atalean ezartzen diren beharkizunak frogatu, organo eskudunek luzaturiko ziurtagiri eta txostenaren bidez.

    3. %70eko hobaria hartzeko eskubidea dute hutsik dauden etxebizitzetako titularrek, urtero frogatzen badiote Mankomunitateari etxebizitza horietan ur eta argi zerbitzurik ez dutela. Egiaztapena eginen da zerbitzu horiek ematen dituzten enpresen edo entitateen ziurtagirien bidez.

    4. %100eko hobaria izanen da etxea botatzeko lizentzia emana bada beste etxe bat egiteko eta etxe berri hori eraikitzen ari den bitartean. Gorabehera horren egiaztapena egin beharko da eraispenaren udal lizentziaren kopia bat aurkeztuta edo propio horretarako Udalak emaniko ziurtagiaren bidez.

    5. Bidezkoa izanen da ondoriozko tarifaren %100eko hobaria, tasaren xedea den etxebizitza edo lokala zaborrontzitik 500 metro baino gehiagotara dagoenean. Hobari honetarako eskubidea sortzeko, ezinbesteko baldintza izanen da subjektu pasiboak aurretik hala eskatzea.

    6. Salbuespen eta/edo hobari guztiak urte bakoitzeko lehen hiruhilekoan eskatu behar zaizkio Mankomunitateari, eta epe hori luzaezina izanen da.

    Hobariak urtebeteko iraupena izanen du eta urtero egin beharko dute eskabidea horretarako eskubidea dutela uste duten guztiek.

    XI. KAPITULUA

    Sortzapena

    12. artikulua.

    1. 4.1 artikuluan ezarritako tasak hiruhileko naturaleko lehenbiziko egunean sortuko dira, eta kuotak ezin izanen dira ez murriztu ezta hainbanatu ere.

    2. Gainerako zerbitzuetarako tasak, borondatezkoak baitira, interesdunak zerbitzua egiteko eskatzen duen unean berean sorraraziko dira.

    XII. KAPITULUA

    Ordainarazpena

    13. artikulua. Ordenantza honetan araututako tasak hurrengo arauei jarraikiz ordainaraziko dira:

    1. 4.1) artikuluan aurreikusitakoak hilabetean edo hiruhilekoan behin.

    2. Borondatezko zerbitzuengatiko tasak sorrarazten diren unean ordainaraziko dira.

    XIII. KAPITULUA

    Diru-bilketa

    14. artikulua.

    1. Nafarroako Toki Ogasunei buruzko martxoaren 10eko 2/1995 Foru Legearen 86. artikuluan aurreikusitakoari jarraikiz, 4.1 artikuluan ezarritako tasak aplikatzetik sortzen diren tributu-zorrak “jakinarazpen gabekotzat” hartuko dira.

    2. 4.1 artikuluan aurreikusitako tasek sortzen dituzten tributu-zorrak, 13. artikuluaren arabera ordainarazi eta gero, ordaindu behar diren lauhileko naturalaren lehenbiziko hilabetearen lehenbiziko egunean isilbidez jakinarazitzat hartuko dira. Egun horretatik aitzina, 30 egun baliodun izanen dira borondatezko aldian ordaintzeko.

    Aurreko lerroaldean aipatzen diren egunetan ordainarazpenen zerrendak prest ez badaude, Mankomunitatearen iragarki oholean argitaratzen diren egunetik aitzina hasiko da kontatzen borondatezko aldia.

    3. Borondatezko zerbitzuetarako ezarritako tasak, jarduera edo zerbitzuaren eskaera egiten den unean ordainduko dira.

    15. artikulua. 14. artikuluan aurreikusitakoari jarraituz borondatezko epean ordaintzen ez diren tributu-zorrak, Nafarroako Toki Ogasunei buruzko martxoaren 10eko 2/1995 Foru Legearen 84. artikuluan ezarritako moduan ordaindu beharko dira.

    Mankomunitateak zorrak geroratu edo zatika ordaintzeko aukera eman dezake, martxoaren 10eko 2/1995 Foru Legearen 90. artikuluan eta hurrengoetan xedatutakoari jarraikiz.

    16. artikulua. Tributu-zorren ordainketa honela egin ahal izanen da:

    a) Ordainketak helbideratu dituzten subjektu pasiboek, horretarako adierazitako banku edo aurrezki kutxako kontuan kargatuz. Zorra ordaintzen ez bada zergadunari egozten ahal zaizkion arrazoiengatik, Mankomunitateak berak kobratzeko ahalmena ematen dien banku edo aurrezki kutxetan: ordainagiri hauetako bakoitzean tasaren zenbatekoa 3,61 euro gehituko da, kudeaketa gastuak berdintzeko.

    b) Ordainketak helbideratu ez dituzten subjektu pasiboentzat, Mankomunitateak berak kobratzeko ahalmena ematen dien banku edo aurrezki kutxen bulegoetan.

    XIV. KAPITULUA

    Arau-hausteak eta zehapenak

    17. artikulua. Nafarroako Toki Ogasunei buruzko martxoaren 10eko 2/1995 Foru Legean arau-hauste eta zehapenen gainean ezarritako xedapenak aplikatuko dira.

    XEDAPEN GEHIGARRIA

    Bakarra.–Ordenantza honetako tasak likidatu, kudeatu, ikuskatu eta bilduko ditu zuzenean Sakanako Mankomunitateak.

    XEDAPEN IRAGANKORRA

    Ondorioak 2013ko bigarren hiruhilekotik aurrera izan ditzan, hobari bat ezarri da, tasaren %15ekoa, etxean konpostajea egiteagatik edo konpostaje komunitariorako Mankomunitateak ezarri dituen eremuetariko batean parte hartzeagatik beren etxeetako hondakinen zati organikoa bildu ez zaienendako.

    Horretarako, Mankomunitateko zerbitzu teknikoek zentsu bat antolatuko dute, subjektu pasibo hauek eta egiten duten konpostaje mota identifikatzeko. Hasierako zentsua eginda, subjektu pasiboren batek etxeko konpostajean edo konpostaje komunitarioan parte hartu nahi badu, espresuki eskatu beharko dio Mankomunitateari, eta hobaria hurrengo ordainagiritik aurrera aplikatuko zaio.

    Mankomunitateak bidezko iruditzen zaizkion kontrolak eginen ditu, onuradunek konpostajean parte hartzen dutela egiaztatzeko, eta egiaztatzen bada ez dutela parte hartzen, hobaria deuseztatuko da, urteko lehen ordainagiritik aurrera.

    XEDAPEN INDARGABETZAILEA

    Bakarra.–Orain arte ezarritako arau guztiak indarrik gabe gelditu dira, baldin eta maila berekoak edo txikiagokoak badira eta ordenantza honetako xedapenei aurka egiten badiete, haiekin bat ez badatoz edo bateraezinak badira.

    AZKEN XEDAPENA

    Bakarra.–Ordenantza honek Nafarroako Aldizkari Ofizialean behin betiko argitaratu eta biharamunean hartuko du indarra.

    I. ERANSKINA

    1. Etxekoa-erretiratuen klubak eta etxebizitzak.

    Tarifa finkoa: 69,00 euro.

    2. Profesionalen bulegoak.

    Tarifa finkoa: 115,49 euro.

    –Gestoriak.

    –Agentziak.

    –Kabineteak.

    –Notariotzak.

    –Erregistroak.

    –Bankuak.

    –Elkarte gastronomiko pribatuak (urtean 100 m³ bitarte ur kontsumitzen dutenak).

    –Ile apaindegiak.

    –Irabazi asmorik gabeko kultur elkarteak eta erretirodunen elkarteak.

    –Bestelako tarifetan sartuak ez dauden lanbide liberaletako lokalak.

    –Norberaren produktuarendako hotz kamerak.

    –Iturgintza eta elektrizitate arloko paratzaileak, pintoreak eta gainerako profesionalak, jendea hartzeko establezimendurik ez dutenak.

    –Akademiak.

    16.–Landetxeak. 75,42 euro.

    –Merkataritza.

    3. Tarifa finkoa: 173,22 euro.

    –Kioskoak eta liburu-dendak.

    –Botikak.

    –Bitxi dendak-erloju dendak.

    –Tabako dendak.

    –Ogi saltokiak.

    –Opari dendak.

    –Dolareak eta ardandegiak.

    –Litxarreria dendak.

    –Gorputegiak.

    –Kalez kaleko azokako postu finkoa eta horretarako biltegiak.

    –Gasolindegia.

    –Elektrizitate dendak.

    –Edari biltegiak.

    –Ogia eta horren eratorriak saltzeko denda.

    –Zapata dendak eta jantzi dendak.

    –Burdindegiak.

    –Drogeriak.

    –Mertzeriak.

    –Gisako lokalak, merkataritzakoak zein industriakoak, beste tarifetan sartzen ez direnak.

    4. Tarifa finkoa: 196,33 euro.

    –Ordezko piezen dendak.

    –Pentsioak.

    –Komentuak.

    –Kontserba lantegiak.

    –Moldiztegiak.

    –Fruta eta barazki biltegiak.

    –Etxetresna elektrikoen eta kiroletarako dendak.

    –Altzari dendak.

    –Janari dendak (barazkirik saltzen ez dutenak).

    –Elikagai dendak (barazkirik saltzen ez dutenak).

    –Harategiak.

    –Prestalekurik gabeko gozotegiak.

    5. Tarifa finkoa: 277,93 euro.

    –Arrandegiak.

    –Barazkiak saltzen dituzten elikagai dendak.

    –Prestalekua duten gozotegiak.

    6. Tarifa finkoa: 364,49 euro.

    –Harakindegia, urdaitegia, barazki dendak edo arrandegia duten supermerkatu eta autozerbitzuak. (Bakar-bakarrik 150 metro koadro baino gehiago dutenak).

    7. Tarifa finkoa: 331,60 euro.

    –Jatetxeak, hostalak eta apopilo etxeak jatetxearekin.

    8. Tarifa finkoa: 334,91 euro.

    –Hotelak, kanpinak.

    9. Tarifa finkoa: 287,47 euro.

    –Ostatuak, kafetegiak, gizarte klubak, gastronomia elkarteak (urteko ur kontsumoa bada 100 metro kubikotik gorakoa), diskotekak, kirol elkarte ostatudunak, kasinoak.

    11. Herriko Etxea, Kontzeju Etxea, bulego publikoak, erakunde publikoak, liburutegiak, museoak, Kultur Etxeak, Epaitegiak, elizak. Tarifa finkoa: 77,00 euro.

    Lokal hauetako batean jarduera bat baino gehiago egiten bada, bakar-bakarrik batengatik ordainduko da, hain zuzen ere tarifa altuena dena.

    12. Ikastetxeak, haurtzaindegiak. Tarifa finkoa: 165,55 euro.

    Jatetxea badute aurreko tarifa %35 garestituko da.

    13. Ospitale, klinika, anbulatorio eta osasun etxeetako sanitarioak. Tarifa finkoa: 166,06 euro.

    14. Egoitzak, kuartelak eta zahar etxeak. Tarifa finkoa: 323,38 euro.

    15. Industriak eta lantegiak:

    –Industriak eta lantegiak,

    –Industriak eta lantegiak, 30-60 langile: 230,00 euro.

    –Industriak eta lantegiak, >60 langile: 330,00 euro.

    Baskulan emandako pisua: 5,50 euro pisaldi bakoitzeko.

    Tarifei zuzenean aplikatzeko xedapenak.

    –Hiri hondakinak sortzen dituen establezimendu-unitate bati –eta halakotzat hartuko da sartzeko ate bat bakarra duena– tarifa multzo bat baino gehiago badagozkio, aplikatzen ahal zaizkion tarifetatik handiena baizik ez zaio aplikatuko.

    –Ikuskatze lana eginik, ofizioz edo interesdunak eskaturik, tarifa aldatzen ahalko da, errealitatea nabarmen bestelakoa denean, egiaztatu den erabilera egiazkoaren arabera fakturatu dadin.

    –B-C-E-F eta G tarifetan aurreikusi jardueretan, hondakinak batez bestekoa baino franko gehiago direnean –eta halakotzat hartuko dira modu esklusiboan edukiontzi bat edo gehiago erabiltzen bada–, erabilera esklusiboko edukiontziaren tarifari emanen zaio lehentasuna.

    –Lau hilabetetik beheitiko “denboraldian” egiten diren jarduerek hiruhilekoko kuota bakar bat sortuko dute, jarduerari dagokion tarifan.

    –Kalez kaleko azokako postu finkoak kasuan kasuko udalari ordainduko zaizkio zuzenean, bilketa berezia behar dutenean. Gehieneko kuota ez zaio aplikatuko erabilera esklusiboko edukiontziaren tarifari.

    Hiri lurzoru finkatuan ez da erabilera esklusiboko edukiontzirik emanen, ez bada eskatzaileak egunean 800 litrotik gorako hondakinak sortzen dituelako.

    Harako 9. epigrafeko jarduerei, 300 biztanletik beheitiko udalerri batean badaude eta soilik asteburu eta jaiegunetan irekitzen badira jendearentzat, tarifa tikiena aplikatuko zaie.

  • Ordenantza, zabortegiko 2016ko prezio publikoak

    ORDENANTZA, ARBIZUKO ZABORTEGIAN INDUSTRIETAKO HONDAKINAK BOTATZEKO 2016ko PREZIO PUBLIKOAK ARAUTZEN DITUENA

    Oinarria

    1. artikulua. Nafarroako Toki Ogasunei buruzko martxoaren 10eko 2/1995 Foru Legearen 28. artikuluan eta hurrengoetan xedatutakoaren babespean ezarri da ordenantza hau.

    Zergapeko egintza

    2. artikulua. Zergapeko egintza da industrietako hondakin ez-arriskutsuak ematea, Arbizuko zabortegian trata ditzaten.

    Salbuespenak

    3. artikulua. Ez da salbuespenik eginen ordainarazpen honi dagokionez.

    Subjektu pasiboak

    4. artikulua. Prezio hauek ordaintzera behartuak egonen dira halako enpresak eta partikularrak, beren industrietako hondakin ez-arriskutsuak garraiatzen eta ematen dituztenak, zabortegian uzteko.

    Nolanahi ere, botatze horiek egiteko behar den lizentzia edo baimena eskatuko zaie. Zergadun diren aldetik, ordainarazpen honen subjektu pasiboak dira pertsona fisiko eta juridikoak eta izaera juridikorik gabeko entitateak, unitate ekonomiko bat izan edo ondare bereizia eduki eta industrietako hondakinak botatzeko zerbitzua eskatu dutenak edo hartaz baliatzen direnak.

    Tarifak

    5. artikulua. Zerbitzuaren tarifak honako kontzeptuengatik izanen dira:

    –Industriakoa, hirikoaren parekoa bada, betiere gai organikorik gabekoa. Tonaren prezioa, 28,13 euro, gehi BEZa. Hondakin horiek kartoidunak badira, 64,29 euro, gehi BEZa.

    –Beira zuntza edo horrelatsukoak. Tonaren prezioa, 38,09 euro, gehi BEZa.

    –Paletak: egur hutsezkoak badira, tonaren prezioa da 77,25 euro gehi BEZa. Egurra ez diren beste hondakin batzuekin nahasita badaude: 103,00 euro gehi BEZa.

    –Zepak eta fundizioko hareak: Tonaren prezioa, 26,69 euro, gehi BEZa.

    –Pentsuak: Tonaren prezioa, 30,85 euro, gehi BEZa.

    –Pilak, horretarako propio diren edukiontzietan bota ez direnak, enpresetatik heldu direnak: kilo bakoitzeko prezioa: 3,81 euro gehi BEZa.

    –Obra hondakinak. Aurretik kudeatzaile batean tratamendua eman bazaie baizik ez dira onartuko eraikuntzako eta eraispeneko hondakinak. Tonaren prezioa: 21,54 euro, gehi BEZa.

    –Landare-lurrak edo gisa berekoak. Tonaren prezioa: 2,19 euro, gehi BEZa.

    –Landareetatik heldu diren hondakin organikoak, ezpurutasuna %15tik beherakoa badute. Tonaren prezioa: 13,60 euro, gehi BEZa.

    –Zelulosa organikoaren hondakinak edo horrelatsukoak. Tonaren prezioa: 29,44 euro.

    –Lohiak, botatzen ahal direnak. Tonaren prezioa: 28,75 euro, gehi BEZa.

    –Poliespana edo horrelatsukoak. Tonaren prezioa: 64,80 euro, gehi BEZa.

    –Tamaina handikoak (altzariak eta etxetresna elektrikoak). Tonaren prezioa: 351,05 euro, gehi BEZa.

    –Ibilgailu abandonatuak (turismoak, unitatea) Tonaren prezioa: 131,56 euro, gehi BEZa.

    –Ibilgailu abandonatuak (kamioiak eta horrelatsukoak, unitatea) 657,88 euro, gehi BEZa.

    Nolanahi ere, honako alderdi hauek hartuko dira kontuan:

    1.–Osagai toxiko edo arriskutsuak dauzkan hondakinik ez da onartuko.

    2.–Likidoak edo lohiak ez dira onartuko, hezetasunaren ehunekoaren ondorioz araztegiko makinetan ezin badira erabili.

    3.–Kobratzeko kontuetarako ez da hondakintzat hartuko haren pisua 50 kilogramotik beheitikoa bada, partikularrenak badira obra hondakinak, eta 50 kilogramokoa, hondakinen gainerakoak, salbu eta pilak.

    4.–Hondakinak botatzen diren aldiro, 5,00 euro ordainduko da, gutxienez ere.

    Likidatu beharreko kuota

    6. artikulua. Likidatu beharreko kuota aurreko artikuluko tarifak aplikatuz ateratzen dena izanen da, aipatzen diren kontzeptuen arabera.

    Sortzapena

    7. artikulua. Prezio publikoa sortzen da eta, beraz, ordaindu beharra, hondakinak eramaten direnean Arbizuko zabortegiko instalazioetara.

    Kudeaketa arauak

    8. artikulua. Industrietako hondakin ez-arriskutsuak tratatzeko edo botatzeko eramaten direnean, aldez aurretik beharko da Mankomunitatearen dagokion organoaren baimena.

    Baimen hori izan daiteke banakakoa botatze bakoitzeko edo, oro har, horretarako propio baimentzen den onarpen protokoloari jarraikiz.

    Mankomunitateak debekatu dezake, Nafarroako Gobernuko Ingurumen Departamentuak emaniko Ingurumen Baimen Integratuan sartuak ez dauden hondakinak ekarri eta botatzea.

    Diru-bilketa

    9. artikulua.

    1. 5. artikuluan ezarritako ordainarazpenak hilean behin pagatuko dira.

    2. Horretarako, Mankomunitateak emanen du behar den faktura eta bertan adieraziko hilero egin diren hondakin-emateak.

    3. Prezio publiko honen zorra premiamenduzko prozeduraren bidez eska daiteke, betiere Mankomunitatearen Ordenantza Fiskal Orokorrean ezarritako moduan.

    10. artikulua. Arau-hauste edo zehapenen gaineko inguruabarrei dagokienez, honako hauei jarraituko zaie: Ordenantza Fiskal Orokorra, Nafarroako Toki Ogasunei buruzko martxoaren 10eko 2/1995 Foru Legea eta bat datozen gainerako arauak. Hori guztia deusetan ukatu gabe arau-hausleek izan ditzaketen gainerako erantzukizun zibil eta penal guztiak, bereziki hondakin baimendu gabeak edo arriskutsuak ekarri dituztela ezkutatzen badute.

    Ordenantza honetan adierazitako betebeharrak ez betetzeagatik sortzen diren erantzukizunak eskatuko dira, ez bakarrik egindakoarengatik baizik eta izan daitezkeen beste erantzule batzuengatik, izan ere erantzukizun hori solidarioa izanen da ekarritako hondakinaren garraiolariaren eta haren sortzailearen artean, pertsona bera ez diren kasuetan betiere.

    AZKEN XEDAPENAK

    Lehenbizikoa.–Ordenantza honetan jasotzen ez den orotan, toki entitate honek onetsitako Ordenantza Fiskal Orokorra eta Nafarroako Toki Ogasunei buruzko martxoaren 10eko 2/1995 Foru Legea aplikatuko dira.

    Bigarrena.–Ordenantza honek indarra hartuko du haren behin betiko onespena Nafarroako Aldizkari Ofizialean argitaratu eta biharamunean eta indarra izaten jarraituko du etengabe, aldatzeko edo indargabetzeko erabakia hartzen ez den bitartean.

  • Oskako delegazio bat bilketa selektiboa ezagutzera

    Urtarrilean madrildarren bisita jaso genuen gure hondakinen kudeaketa ezagutzeko, eta aste honetan, Oskatik 24 lagun etorri dira. Hainbat teknikari eta udal agintarirekin batera Ingurumen saileko diputatua den Mª Isabel de Pablo Melero ere hemen izan da. Vermican, Sakanako Mankomunitatearekin Ekonomia Berdea abian jartzeko elkarlanean diharduen enpresako kide den David Moralesekin etorri zen delegazioa. Mankomunitateko egoitzan bertako lehendakari ordea den Ainara Aiestaranek eta Garapen Agentziako Iker Manterolak egin zieten harrera.

    Aiestaranek eta Manterolak azaldu zieten gure sistema, eta Europako zuzentaraua betetzeko eskualde osoak egindako esfortzua goraipatu zuten. Gogorarazi zutenez, Ekonomia Berdearen aldeko apustu garbi bat da Sakanako Mankomunitatearena, ingurumena zaintzeko, paisaia, lana eta baldintza sozialak hobetzeko eta sortzeko erabili behar dugu hondakinen kudeaketa. Gainera Estatuak izan dezakeen indargune handienetako bat da hondakinen kudeaketa egokia. Helburu hau betetzeko, Sakanak formakuntzaren beharra antzeman zuen eta horregatik jarri zuen abian 15 lagun formatu dituen enplegu tailerra Valor-G proiektuaren barruan. Manterolak gogorarazi zuen “orain Sakanan enplegu berdea sortzeko benetako borondate politikoa behar da eta Nafarroako hondakinen kudeaketarako Plan integralean (PIGRIN) sartu beharra dagoela gure kudeaketa egun dagoen moduan ez baita bideragarria”.

    Materia organikoaren kudeaketan selektiboan izan zuten interesik handiena bisitariek, Lakuntzako auzokonpostaguneak eta Arbizuko transferentzia gunean bisitatu zituzten. Aurretik, mankomunitatean bertan atez ateko mahai inguru batean parte hartu zuten. David Moralesek eta bisitariek zinez eskertu zuten Sakanan izandako harrera.

    osca-sakana-mank-ekonomia-berdea

  • Beira bilketaren inguruko kexen harira

    Azken aldi honetan herritarren kexak jasotzen ari gara beira botatzeko igluak gainezka daudelako eta beirak lurrean amaitzen duelako. Beiraren bilketaz ECOVIDRIO enpresa arduratzen da Nafarroako Gobernuarekin daukan hitzarmen baten ondorioz. ECOVIDRIO arduratzen da edukiontziak jartzeaz, hustutzeaz, garbitzeaz, mugitzeaz eta abar.

    Azken urte honetan aldaketak egon dira, murrizketak egon dira eta ECOVIDRIOK ASCAN izeneko enpresa bat azpikontratatu du 2019ko abendua arte bilketa egiteko.

    Sakanako Mankomunitatea eta udalak ez dira bilketa horren arduradunak. Hala ere, Mankomunitatea da bitartekari lanak egiten dituena, horregatik, arazo edo eskaera bat izatekotan hz5@sakana-mank.com, hz8@sakana-mank.com edo info@sakana-mank.eus helbideetara edo 900730450 telefonora deitu eta guk bideratuko dugu.

    sakana-mank-beira-bilketako-igluak

  • Gongorako Hondakinen Tratamendurako Gunera bisita

    Góngora Eh Bildu-SAKANA-MANK-NAVARRA-NAFARROA GARAIA

    Ainara Aiestaran, Sakanako Mankomunitateko lehendakari ordea, Aitor Karasatorre Sakanako Mankomunitateko lehendakaria eta Iñaki Lizarbe, EH Bilduko udalgintza arduraduna, Gongorako Hondakinen Tratamendurako Gunea ikustera joan dira. Aritz Aiesa, Gongorako lehendakariak, Alvaro Martínez, gerenteak, Carmen Lainez, zuzendariak eta Miguel Ángel Díazek hartu dituzte bertan. Zenbait elkarlan proposamen aztertzen ari dira.

    Gongorako Hondakinen Tratamendurako Gunearen infografia.

  • Hondakinen Kudeaketa Integralerako Enplegu Tailerraren amaiera ekitaldia

    Duela sei hilabete 15 ikasle hasi ziren Altsasun hiri hondakinak eta hondakin industrialak birziklatzearen inguruko Eskola Tailerrean lanean. Proiektua Sakanako Mankomunitateak  Vermican Soluciones de Compostaje, Kerabi Gestión Medioambiental eta Ekogras Recuperación y Reciclado de Aceite enpresek sustatu zuten eta Nafarroako Enplegu Tailerraren finantziazioarekin kontatu du.

    Eskolaren zuzendaria eta irakaslea izan den Nagore Ocejok aurkeztutako itxiera ekitaldian, 16 ikasleak presente egon dira ,eta Nagorerekin batera, mahai buruan Aitor Karasatorre, Sakanako Mankomunitateko lehendakaria eta Miguel Ángel Jorge, Altsasuko Enplegu Agentziako ordezkaria. Nagorek, kurtso osoaren intentsitatea azpimarratu nahi izan du, bai eta ikasleek atera dituzten nota bikainak ere, orain, Hiri Hondakinak eta Industrialak Kudeatzeko Lanbide Ziurtagiria izango dute eta Lan-arriskuen Prebentziorako Oinarrizko ziurtagiria ere bai. “Azterketak bukatu eta gero, formakuntza osagarriarekin jarraitzean, izugarrizko maila duten profesionalak izan ditugu ondoan” esan du Ocejok.

    Hondakinen Kudeaketako formakuntza amaituta, ikasleek praktikara eraman behar izan dute ikasitakoa lan sozial batean. Entitate sustatzaileetan egiten diren zazpi lanpostu ezagutzeko aukera izan dute, modu honetan ikasleek hondakinen kudeaketaren inguruko ikuspegi orokor bat jaso ahal izan dute. Lan soziala beharrezkoa izan da ikasitako teoria praktikan aplikatua izateko.

    Bere aldetik, Aitor Karasatorrek gogorarazi digu Europar Batasuna munduko energia kontsumitzaile handiena dela eta bere energia erreserbak gero eta eskasagoak direla. “Hondakinen trataeraren helburu nagusia, hauek zabortegietan ez amaitzea da, hondakinen trataera zuzenak helburu ekonomikoak izan behar ditu eta ingurumena zaintzeko, paisaia, lana eta baldintza sozialak hobetzeko eta sortzeko erabili behar dugu. Enplegu Berdea izena du.”

    Karasatorrek gogorarazi du Eskola Tailerrarekin batera Valorg proiektu europarrean parte hartzen ari dela Mankomunitatea, honek materia organikoaren berreskuratzea, formakuntza eta enplegua bateratzen ditu. Honi jarraikiz, aste honetan berean Mankomunitateak Vermican enpresaren bidez bi pertsona kontratatuko ditu eskualdeko konpostegien jarraipena egiteko. Hasteko, aste pare baterako kontratua izango da eta ondoren, hiru hilabeteko beste bi kontratu aurreikusten dira. Eskola Tailerraren bigarren edizioa ere iragarri du Karasatorrek eta eskualdeko Udaletxeei eskerrak eman dizkie ekintza mota hau posible egiten laguntzen dutelako.

    Miguel Angel Jorge Nafarroako Enplegu Zerbitzuko ordezkariak berriz, Mankomunitatea eskertu du proiektu hau abian jarri izanagatik eta esperientzia errepikatzeaz poztu da. Esan duenez, Altsasuko Enplegu Agentziaren laguntza osoa izango du bigarren txanda honek ere.  Formakuntzetan laguntza eskaini duen Batuta-Sakana enpresako ordezkaria den Javi Bergarak birziklatutako materialekin egindako opari batzuk eman dizkie ikasleei eta gogorarazi nahi izan die kimu berdeak hemen direla “baina beti gure esku daudelako, eta orain, 16 pertsona hauek oso ongi formatuta daude lanerako”, ekonomia zirkularraren errealitatea eta garrantzia azpimarratu ditu eta sinesten denaren alde apustu egiteko esan du.

    Bideo pare bat ikusi eta gero, ikasleek ziurtagiriak jaso dituzte eta Arbizun dagoen transferentzia gunera bisita egin dute.

    _MG_9884Ekitaldiko partaide guztiak, tartean, hamasei ikasleak.

  • 242 ikasle hondakin kudeaketa tailerretan

    SAGRADO-CORAZON-ALTSASU-ALSASUA-ESKOLA-SAKANA-MANK

    Sakanako Mankomunitateak eskainitako hondakinei buruzko sentsibilizazio-tailerretan Altsasuko, Urdiaingo, Iturmendiko, Etxarriko, Olaztiko, Lakuntzako eta Irurtzungo  242 ikaslek parte hartu dute.

    Hondakinen prebentzioa eta gaikako bilketa bultzatzea da tailerren helburua, eta Nafarroako Gobernuak sustatzen ditu, GAN enpresaren bidez, eta Sakanako Mankomunitateak antolatzen ditu. Tailerrak doakoak dira ikastetxeentzat eta langile espezializatuek koordinatzen dituzte. Lehen hezkuntza eta DBHko 1. eta 2. mailako  ikasleentzat dira, helburua hondakinen kudeaketa zuzenaren garrantziaz informazioa ematea eta horren gaineko sentsibilizazioa lantzea da. Modu ludiko batean eta betiere prebentzioan eta birziklapenean oinarrituz, ingurumenaren babesa hobetzea du zeharkako helburu.

    Nafarroako Gobernuak hondakinak kudeatzeko sistema integratuekin sinatutako hitzarmenen esparruaren barnean sartzen da ekimena. Honako hauek dira sistema/enpresa horiek: ontzi arinak, papera eta kartoia (Ecoembes); beira-hondakinak (Ecovidrio); eta tresna elektrikoen eta elektronikoen hondakinak, TEEH (Ambilamp, Ecoasimelec, Ecofimática, Ecolec, Ecolum, Ecoraee, Ecotic, Europako Birziklatze Plataforma eta Tragamóvil)

    Sentsibilizazioa ikasleekin lantzea, legearen helburuak lortzeko jardueretako bat da; hondakinen %10eko murrizketa aurreikusteaz gain, %50ko birziklapen-mailak ere lortu nahi ditu etxeko eta merkataritzako hondakinetan 2020. urterako.

  • TEEH-en erakusleiho lehiaketako sari banaketa

    teeh-lehiaketa

    Zarrakazteluko “Milar Jiménez”, Iruñako “Iluminación Helios” eta Faltzeseko “Ingeniería Electricidad Soto” izan dira “TEEH-en birziklapenaren inguruko erakusleihoen 2. lehiaketa” lehiaketako irabazleak hurrenez, hurren 1.2.3. postuan. Nafarroako Gobernuak bultzatutako lehiaketa Gestión Ambiental de Navarra enpresa publikoaren eta Tresna elektriko eta elektronikoen hondakinak (TEEH) birziklatzeko entitate kudeatzaileek bidez.

    Lehiaketaren helburua herritarrak eta dendariak etxe tresna elektriko eta elektronikoen bilketa selektiboan inplikatzea da. Oraingoan 13 dendarik parte-hartu dute, tartean Altsasuko Cenor Ramos, eta beste 11 etxe elkarlanean aritu dira.

    Argazki albuma hemen.

  • Jostailuen azoka berezia

    Emauseko Trapuketariek azoka berezia antolatu dute abenduaren 15etik 31ra Triki Traku gunean. Urte osoan zehar jostailu asko jasotzen dute garbiguneetan eta etxeetan, horietako asko ongi egon ohi dira eta beste batzuk, konponketa txiki batzuk medio erabilgarri jartzen dituzte Trapuketariek. Horiek saltzeko azoka prestatu dute abendurako.

    Mota honetako jostailuak erosita jostailuak hondakin bihurtzea ekiditen da, hau da, bizi berri bat ematea lortzen da. Jostailuen ekoizpenak zein birziklapen prozesuak energia asko kontsumitzen dute eta hondakin bihurtzen direnean, ingurumena nabarmen kaltetzen dute zabortegira botatzen direnean eta, batez ere, erretzen badira. Horregatik, jostailuak berreskuratzean eta berrerabiltzean lurraren baliabide naturalak ez agortzearen alde egiten da eta sortutako kutsadura gutxitu egiten da.

    Jostailu hauek gainera, merkeagoak dira eta Gabonetan haur guztiek jostailuak izateko aukera ematen dute. Bestalde, lanpostu berriak sortzen laguntzen die Trapuketariei, gaur egun Nafarroako Trapuketarietan 220 lagun aritzen da lanean. Azkenik mezu bat helarazi nahi izan dute Trapuketariek “Oso garrantzitsua da Gabonen ospakizunaren birplanteamendu bat, batez ere kontuz ibili behar dugu transmititzen ditugun baloreekin, umeek ez lukete garai hau iragarkietako bizitza eta gauzen desioan bizi behar. Ingurugiroarekiko eta sozialki bidezkoagoak diren ospakizunak bizitzera gonbidatzen zaituztegu”.

    CartelVentaJuguetes_11_15-emaus

    Abenduaren 15etik 31arte, Triki Trakun Trapuketarien Errotxapeako egoitzan, Rio Arga 36 helbidean, mota guztietako jostailuak: Nancy, Scalextric, Exin, Barriguitas, Playmobil, Lego, haurrentzako liburuak eta mozorro bilduma handi bat.

    Ordutegia:astelehenetik ostiralera 10:00etatik – 13:30era eta 16:30etik – 19:30era. Larunbatetan goizez.

  • TEEH-en birziklapenaren inguruko erakusleihoen 2. lehiaketa

    TEEH bat tresna baten hondakina da: pila, bateria edo entxufe bidez funtzionatzen duen tresna baten hondakina.

    Garrantzitsua da hauek behar bezala birziklatzea, izan ere, toxikoak edo oso kutsakorrak dira hauen zati asko eta zati gehienak aldiz birziklagarriak dira. Ongi kudeatu gabe zuzenean zabortegietara botatzen baditugu, ingurumenari arazo bat sortzen diogu eta errekurtso bat galtzen dugu. Bestalde, birziklatu eta kutsakorrak diren elementuak behar bezala tratatuz eta bizi berri bat ematen badiogu kable edo plastiko birziklatu gisa, ekonomia zirkularraren adibide bat sortuko dugu.

    Nafarroako Gobernuak, Gestión Ambiental de Navarra enpresaren bidez, eta Tresna elektriko eta elektronikoen hondakinak (TEEH) birziklatzeko entitate kudeatzaileek, “TEEHen birziklatzearen inguruko erakusleihoen lehiaketa” antolatzen du herritarrak eta etxetresnak saltzen dituzten komertzioak inplikatzen dituen iniziatiba. Aurten parte hartzen duten komertzioen artean Altsasuko Cenor Ramos dago.

    RAEE-EUSKARAZ

  • BirziklApp hondakinak errazago birziklatzeko aplikazioa

    karrusela reciclapp

    BirziklApp Nafarroako Gobernuak eta Sakanako Mankomunitateak aurkeztu duten aplikazioa da, Android sistema eragilerako eta Appel gailuetarako garatua izan da.

    BirziklAppek dakarren informazioa euskaraz eta gaztelaniaz dago, Nafarroako herri desberdinetara moldatua dago eta menuaren bidez erraz konfiguratu daiteke.

    Ecoembes enpresak urtero egiten duen biztanleriaren ohitura eta jarrerei buruzko azterlanetan oinarrituz biztanleriaren beharrak asetzea helburu du aplikazioak. Besteak, beste, hondakin bakoitza zein edukiontzitara bota, ekipamendu berezien kokapena jakitea ahalbidetzen du, hala nola, garbiguneak, olio, pila edo arropa edukiontziak, edota Mankomunitateak eskaintzen dituen beste zerbitzu batzuk. Bestalde, aplikazioak aukera ematen die herritarrei bere mankomunitatearekin harremanetan jartzeko. Horrez gain, hondakinak nora eramaten diren azaltzen du eta hondakinen birziklapen prozesua ikus-entzunezkoen bidez erakusten du.

    Tresna hau Nafarroako Gobernuak Hondakinak Kudeatzeko Sistema Integratuekin, Ecoembes nahiz Ecovidrio enpresekin eta tresna elektrikoen eta elektronikoen hondakinak (TEEH) kudeatzeko sistema integratuen erakunde kudeatzaileekin eginak dituen hitzarmenen baitan garatu da. Kudeatzaileak Ambilamp, Ecoasimelec, Ecofimática, Ecolec, Ecolum, ECORAEE, Ecotic, Europako Birziklapen Plataforma- ERP eta Tragamóvil dira. Hitzarmenak Gestión Ambiental de Navarra (GAN) enpresaren bidez garatu dira eta Sakanako Mankomunitatea lankidetzan aritu da.

    Android sistema eraileko aplikazioa, hemen.

    Apple gailuetarako aplikazioa, hemen.

  • Hondakinen kudeaketarako elkarlanerako borondatea Kontseilariaren aldetik

    Isabel Elizalde Landa Garapeneneko, Ingurumeneko eta Toki Administrazioko kontseilari berria Altsasun izan da aste honetan Nafarroako Unibertsitate Publikoak zuzendu eta Sakanako Mankomunitateak, Garapen Agentziak, Kerabi eta Vermican enpresek, Ramon Plana maisu konpostatzaileak antolatutako Udako Ikastaroen hasiera ekitaldian. Bertan, hondakinen sorrera saihestu behar dugula eta hauen berrerabilgarritasuna sustatu behar dela, eta hau gutxi batzuen lana izan ordez, askorena dela adierazi du.

    Ondoren, Etxarrin egindako bilkuran elkarlanerako borondatea bultzatzeko asmoa erakutsi dio Sakanan atez ateko hondakin bilketa sistema ezarrita duten herrietako alkateen ordezkaritzari. Elizaldek berretsi du hondakinen kudeaketa eta tratamendua udalen eta mankomunitateen eskumenekoak direla, eta erabateko errespetua adierazi dio Sakanako Mankomunitateari sistema berriaren inplementazio dela eta.

    Bestalde, Nafarroako Hondakinen Kudeaketarako Plan Integratuaren berrikusketaz hitz egin dute, eta eremu horren barnean hondakinak kudeatzeko ezarri diren sistema guztiak aztertu beharraz. Europako Zuzentarauak ezartzen dituen helburuak bete beharraz ere hitz egin dute, eta baita ere, ahalik eta errefusa gutxien sortzen duten sistemen alde lan egin beharraz. Hondakin organikoaren tratamenduaz ere mintzatu dira, eta Sakanak horretarako ezarriak dituen konpost-etxola komunitarioez.

    Amaitzeko, gaurko bileran elkarren arteko komunikazioa eta elkarlana sendotzea adostu dute Departamentuak, Sakanako Mankomuniteak , eta atez ateko sistema ezarria duten herriek.

    Departamenduaren prentsa oharra.

    kar. Sakandarrak eta Isabel elizalde kontseilaria

    Argazkian, ezkerretik eskuinera; Gurutze Rodrigez, Olaztiko alkatea, Ainara Aiestaran, Uharte Arakilgo alkatea, Eneka Maiz, Etxarri Aranazko alkatea, Isabel Elizalde, eta Aitor Karasatorre, Sakanako Mankomunitateko lehendakaria.

  • Hondakin bilketa zerbitzuko lan poltsaren sorrera

    Sakanako Mankomunitateko Hiri Hondakinak Bildu eta Tratatzeko Zerbitzurako peoi-gidari izateko lan-poltsa sortuko da oposizio-lehiaketa bidez.

    Lanpostuko zereginak hiri hondakin solidoak bildu, garraiatu eta tratatzea izango da Sakanako Mankomunitateko lurralde esparruan, baita Ataleko buruak agintzen dizkienak ere Mankomunitatearen instalazio eta ibilgailuei dagozkien mantentze eta konpontze lanetan.

    Probak egiten hasiko dira aurki, informazioa osoa jasotzeko eta izen-emateko Nafarroako Emplegu Zerbitzuak Altsasun duen bulegora joan behar da.

    Probak egiteko onartuen behin-behineko zerrenda, hemen argitaratuko da abuztuaren 17an.

    Lan Poltsa –  Behin Behineko Zerrenda (2015/08/17)

    Euskara proba abuztuaren 24an izango da goizeko 9:30etan. Azterketa Sakanako Mankomunitateko bulegoetan egingo da.

    Probak egiteko onartuen behin-betiko zerrenda, hemen argitaratuko da abuztuaren 20an.

    Lan Poltsa – Behin Betiko Zerrenda  (2015/08/20)

    Euskara azterketa gainditzen dutenek, oposizio-lehiaketa atalaren probak egiteko aukera izango dute. Azterketa Sakanako Mankomunitateko bulegoetan izango da abuztuaren 25eko goizeko hamarretan.

    Merezimenduen Balorazioa

    Merituen balorazioko sailkapenari buruzko erreklamazioak egiteko 10 egun natural daude, abuztuaren 20tik hasita.

    Lehendabiziko azterketaren emaitzak

    Bigarren ariketaren emaitzen zerrenda

    Merezimenduen balorazioaren zuzenketa

  • Hondakinen kudeaketari buruzko udako ikastaroa Altsasun

    Sakanako Mankomunitateak lagunduta, Nafarroako Unibertsitate Publikoak “Ekonomia zirkularrak eskaintzen dituen aukera sozioekonomikoak eta ingurugirokoak hondakinen kudeaketari eta materia organikoari aplikatuta” udako ikastaroa antolatu du Altsasun.

    Irailaren 8an eta 9an garatuko den ikastaroan Italiako, Kataluniako, Galiziako eta Nafarroako hondakin kudeaketa desberdinak ezagutuko dira, hauen garapena, arrakasta eta izan duten eragina ere aztertuko dute. Hondakinen kudeaketak eskaintzen dituen ingurumen eta sozioekonomia aukerak ere aztertuko dira. Ikastaroa erakundeetako arduradun eta teknikoei, enpresei eta langabetuei zuzendua dago.

    Egitaraua
    Irailak 8
    9:00etan Jardunaldien aurkezpena. Valorg proiektuaren aurkezpena.
    9:30ean Sarrera: ekonomia zirkularra, aukeren sortzea. Hizlaria: Ignasi Puig, EnT Environment and Management.
    11:30ean Esperientzien aurkezpena:
    Emausko Traperoak (Jose Mari Garcia)
    Compostela Inserta konpostatze planta-eskola (Ramon Plana, hondakin
    organikoen tratamenduan kontsultorea).
    La Fageda, inguruko ingurumen, ekonomia eta sozialen faktoreetan oinarritutako granja baten kudeaketa (Belen Puyuelo, Beta zentro teknologikoa, Uvic)
    Sakanako tokiko esperientziak (ekolo, paletak, hiri-baratzak).
    14:00etatik 16:00etara Bazkaria.
    16:00etatik 19:00etara Inguruko ereduetara bisita:
    Emausko Traperoak (Iruña).
    Varazdin fundazioa, Zentzumenen parkea eta aviconpost.

    Irailak 9
    9:00etan Sarrera: ekonomia zirkularrera hurbiltzen aitzindaria: Lorearen esperientzia, 80ko hamarkada. Hizlaria: Alfonso del Val, ingurumen kontsultorea.
    9:30ean Hiri hondakinen kudeaketa beste tokietan: …-tik zer ikasi dezakegu?
    Katalunia. Francesc Giro, Kataluniako Hondakinen Agentzia.
    11:30ean Segida:
    Italia. Michele Giavini, CIC, Italiako konpostatzaileen elkartea.
    Galizia. Piñorko Udala. Fraga Civeira, alkatea.
    14:00etatik 16:00etara Bazkaria.
    16:00etatik 19:00etara Mahai-ingurua: Eta Nafarroan zer egin dezakegu?

    Ikastaroak 30 euro balio ditu, Sakanako langabetuek dohainik joateko aukera dute, informazio gehiago hemen eta izen emateko cursosdeverano@navarra.es e-posta erabili daiteke.

  • Emergentzia gunea erre dute Olatzagutian

    Bart ezezagun batzuek atez ateko emergentzia guneko etxolari su eman diote eta kixkalia utzi dute.

    Olazti emergentzi gunea erreta 2015.06.15

  • Sakanako konposta opari

    Egun hauetan Mankomunitateko teknikariak, herriz, herri, 2013an egiten hasitako konposta banatzen ari dira.

    HERRIA LEKUA EGUNA DATA ORDUA
    Ziordia Frontoi ondoan Astelehena Ekainak 8 11:00-13:00
    Olazti Intsumisio Plazan Asteartea Ekainak 9 11:00-13:00
    Urdiain Plazan Asteazkena Ekainak 10 11:00-13:00
    Iturmendi Plazan Osteguna Ekainak 11 11:00-13:00
    Bakaiku Plazan Ostirala Ekainak 12 11:00-13:00
    Etxarri-Aranatz Udaletxeko aterpean Astelehena Ekainak 15 11:00-13:00
    Arbizu Plazan Asteartea Ekainak 16 11:00-13:00
    Lakuntza Plazan Asteazkena Ekainak 17 11:00-13:00
    Uharte-Arakil Udaletxe ondoan Osteguna Ekainak 18 11:00-13:00

    konpost pegata

  • Lan eskaintza: Birziklatze eskola tailerreko zuzendari

    Sakanako Mankomunitateak, hiri hondakinak eta hondakin industrialak birziklatzearen inguruko eskola tailerrerako zuzendari lanpostua eskaintzen du. Lanaldi osorako sei hilabete eta erdiko iraupena izango du kontratuak.  Ezinbesteko baldintzak dira IRAKASKUNTZA ESKUMENA izatea, tailerreko modulu batzuen irakaskuntza bere gain joano baita, eta euskarako C1 (EGA edo baliokidea) edo maila proba gaindituta izatea. Interesik duen orok curriculuma bidali beharko du ealsasua@navarra.es gaia Oferta D1183 izanik edo Altsasuko Lanbide Agentziako bulegora eraman.

    Informazio osoa hemen.

  • Lan eskaintza: Birziklatze tailerreko irakasle

    Sei hilabeteko lanaldi osoa eskaintzen du Sakanako Mankomunitateak, hiri hondakinak eta hondakin industrialak birziklatzearen inguruko eskola tailerreko irakasle batentzat. Ezinbesteko baldintzak dira IRAKASKUNTZA ESKUMENA izatea eta euskarako C1 (EGA edo baliokidea) edo maila proba gaindituta izatea. Interesik duen orok curriculuma bidali beharko du ealsasua@navarra.es gaia Oferta F1183 izanik edo Altsasuko Lanbide Agentziako bulegora eraman.

    Informazio osoa hemen.

  • Valorg proiektu europearraren nazioarteko biltzarra Altsasun

    Egitaraua

    Osteguna, maiatzak 14
    9’00 Progress Valorg proiektuko partehartzaile transazionalei ongietorria

    9’30 Bergogoratzea : VALORG egitaraua, helburuak eta esperotako emaitzak

    10’00 Atsedena

    10’30 Benchmarking informearen aurkezpena

    13’00 Bazkaria

    14’30 Cluster nazionalak;
    • Cluster nazional bakoitzeko helburu eta rolak
    • Cluster nazionalekin egindako bileren laburpena

    15’00
    Ebaluazio lantaldea eta protokoloa
    •Galdeketak
    Lan berdeen lan taldea
    Lan berdeen inguruan dauden lanpostuak
    Lan berdeen erreferentzia profesionala
    Formazioa: materia organikoa

    16’30 Atsedena

    17’00 Zabalkunde plana

    Ostirala, maiatzak 15
    9’00 Lanpostuan formazioaren lan taldea eta formazio moduluen idazketa

    10’30 Atsedena

    11’00 Lanpostuaren formazioaren lan taldea eta formazio moduluen idazketa

    13’00 Bazkaria

    14’30 Lanpostuan formazioaren lan taldea, hurbilketa didaktikoa eta tresna pedagokikoak, materia organikoaren errekuperazioaren lan taldea, lurralde bakoitzaren egoera, lanerako orri teknikoaren aurkezpena

    16’00 Atsedena

    16’30 Experimentazio protokoloa, prozesua eta txostenaruen laburpena

    Larunbata, maiatzak 16
    8’00 etatik 10’30etara Zuzendaritza junta
    Bileraren iruzkin eta balorazio orokorra
    Lan egutegia eta harturiko erabakien birgogorapena
    Administrazio eta finantza gaiak
    Hurrengo bilkura transnazionalerako antolakuntza

  • “Sobra basura” dokumentala

    Ikus  ver: sobra basura

    Sobra basura dokumentala ikusi.

  • “Basurero para rato” dokumentala

    Europak bost urteren buruan etxeko hondakinen erdia biriklatua izan dadin eskatzen du.

    basureros-para-rato