2020ko abenduan, Sakanako Mankomunitateak “Zero Zabor Komertzioak” programa jarri zuen abian. Programa honek tokiko komertzio txikiak ditu ardatz eta honako helburu hauek ditu:

• Komertzio txikiek eta haien bezeroek erabilitako ontziak eta bilgarriak murriztea, berrerabil daitekeen materiala banatuz.
• Ostalaritzan elikagaiak alferrik galtzea murriztea, ontzi konpostagarriak banatuz.
• Komertzio bakoitzaren sarreran, identifikazio-marka baten bidez, jarrera kolaboratzailea, parte-hartzailea eta ingurumenaren aldetik arduratsua dela ikusaraztea.

Aurten, programa honen 3. fasea egin da, Berreskuratze, Eraldaketa eta Erresilientzia Planaren Esparruan landa-eremuetako merkataritza-jarduerari laguntzeko laguntza-ildoaren barruan, eta, era berean, Europar Batasuneko Next Generation funtsen bidez finantzatu da. Hauek izan dira komertzioek jaso dituzten material berrerabilgarriak:

• 1000 yutezko poltsa janari-denda eta fruta-dendatan
• 4420 kotoizko poltsa bestelako komertzioetan
• 400 silikonazko ontzi arraindegietan
• 8000 Glassine-paperazko poltsak goxoki-dendetan
• 13600 tuper , 1200 botila eta 13000 zabor-poltsa hori eta urdin ostalaritzan