Emauseko Trapuketariak astero hiru egunetan etortzen dira eskualdera; astelehenetan, astearteetan eta ostiraletan; tartean jai-egunen bat bada, eguna alda dezakete.
Zer atera dezakegu?
- Altzariak, etxetresna elektriko handiak, ordenagailuak, arropa…
Baina zerbitzua ez da hondatutako etxetresna elektriko txikiak (irabiagailua, plantxa, lehorgailua…) biltzeko, horretarako, puntu garbia dugu. Nahiz eta,beste gauz batzuen artean, horrelakoak ateratzen badira, hauek ere jasotzen dituzten.
Emauseko Trapuketariak zuen etxera joatea nahi baduzu, bete formularioa edo deitu 948 46 48 67 zenbakira eta esan, zehatz mehatz, zer jaso behar duten trapuketariek.
Zuen abisua jaso ondoren, Emauseko Trapuketariek telefonoz hots eginen dizue zuen etxetik gauzak jasotzera pasa daitezkeen eguna adosteko. Objektuak ez dira kalean edo bide publikoan utzi behar. Trapuketariekin bilketa eguna zehaztua baduzue eta etxean ezin bazarete egon, portalean edo portxean utzi dezakezue goiz horretan zehar, beti ere, bizilagunei oztoporik egin gabe.
Emauseko Trapuketarien zerbitzua doakoa da eta zuen etxean bertan jasotzen dituzte objektuak, mesedez, ez utzi ezer emergentzia guneetan ez eta edukiontzien ondoan, edo bide publikoan.
Erabili etxez etxeko bilketa behar ez dituzun gauzak kentzeko.