Sakanako Mankomunitatearen Hondakin Zerbitzutik jakinarazi nahi dizuegu, aurten Arbizun martxan jarri den konpost plantari esker, konpost kantitate handia sortu dugula. Horregatik nahi duen edonor etor daiteke nahi haina konpost hartzera.

Astelehenetik ostiralera  8:00etatik 15:00etara Arbizuko UtzubarEKOguneko bulegoetara etorri eta non hartu dezakezuen esango dizuegu. Zakuak ekartzen badituzue eskertuko genizueke. Bestela Piensos Unamunok berrerabiltzeko uzten dizkigun zakuak izaten ditugu. karroa baduzue, karrokada bat eramatea badago.

Animatu eta aberastu zure baratza Sakanako materia organikoarekin sortutako konpostarekin.