120 toki-erakundek baino gehiagok bat egin dute Emakumeen aurkako indarkeriaren aurkako udaletxeen kanpainarekin, azaroaren 25ean ospatzen den Nazioarteko Eguna dela eta
Iruñean, 2022ko azaroaren 18an. 125 toki-erakundek bat egin dute aurten emakumeen aurkako indarkeriaren aurkako udal-kanpainarekin. Patricia Echarren Salvatierra Mañeruko Udaleko zinegotziak eta Pilar Jiménez Hernández Corellako Udaleko zinegotziak gaur goizean irakurri dute udaletan onartutako adierazpena, azaroaren 25aren inguruan (Emakumeenganako Indarkeriaren aurkako Nazioarteko Eguna) herri bakoitzean egiten ari diren jardueren hasiera dela eta.
Juan Carlos Castillo Ezpeleta Nafarroako Udal eta Kontzejuen Federazioko presidentea izan da Iruñeko Kondestablearen ekitaldian, eta Eva Istúriz García Nafarroako Berdintasunerako Institutuko (INAI) zuzendari-gerentea izan da bertan.
Castillok bere hitzaldiaren hasieran nabarmendu duenez, garrantzitsua da toki entitateek tokiko eremuan berdintasun politika publikoak ezartzea, herritarrengandik hurbilen dagoena baita, gogorarazi duenez. Izan ere, ez da ahaztu behar berdintasunean inbertitzeak prebentzioa dakarrela emakumeen aurkako indarkerian.
Ildo horretan, udalek horretarako jartzen dituzten jarduerak, zerbitzuak eta bitartekoak gogorarazi ditu, hala nola langileen prestakuntza-ekintzak, polizia-baliabideak, berdintasun-zerbitzuak, oinarrizko gizarte-zerbitzuak, jarduera-protokoloak eta abar.
Ondoren, Baztango Eider Eider Perez de Heredia Goñi eta Lizarrako Tere Sáez Barrao berdintasun-teknikariek adierazpena irakurri dute.
Jarraian, Mañeruko eta Corellako zinegotziek euskaraz eta gaztelaniaz irakurri dute, hurrenez hurren, udalek onartutako adierazpena. Aurtengo kanpainaren izenburua honako hau da: Badago eta badira arduradunak, emakumeen aurkako indarkeria dagoela eta haren egiturazko izaera ukatzen duten diskurtsoen aurrean, emakumeak jasaten duten indarkeria matxista horren erantzule egiten dituzten diskurtsoen aurrean, agerian utzi nahi baita indarkeria existitzen dela eta ERANTZULEAK DITUELA, eta erantzukizuna erasotzaileena eta emakumeen eta gizonen arteko desberdintasunak betikotzen dituen gizarte batena dela.
Azkenik, Eva Isturiz Garcia Nafarroako Berdintasunerako Institutuko (INAI) zuzendariak biktimak eta bizirik atera diren emakumeak gogoratu ditu, eta erail dituzten Nafarroako azken bi emakumeak izendatu ditu: María Pilar Berrio Jiménez Murchanten eta Sara Pina Yeregui Tuteran.
Era berean, emakumeen elkarte-mugimenduaren funtsezko zeregina azpimarratu zuen, mugimendu hori gabe ez baikara gaur hemen egonen.
