Udalekuetara joateko diru-laguntza

June 17, 2016

Sakanako Mankomunitateak euskara hutsezko udalekuetara joaten diren haur eta gazteendako diru-laguntzak eskaintzen ditu.

Deialdi honek 2016. urtean zehar burutuko diren eta honako ezaugarri hauek dituzten udalekuak hartuko ditu kontuan: haur edo gazteei zuzendutako euskara hutsezko udalekuak izatea, udalekuak 5 egun baino gehiago eta 15 egun baino gutxiago irautea eta udako oporren garaian eskaintzea (ekainaren 15etik irailaren 30era bitarte).

Deialdi honetatik kanpo geldituko dira honako hauek: Sakanako  Mankomunitateak  —zuzenean  zein  zeharka—, kudeatutako udalekuak, baita Sakanako Mankomunitatearen  bestelako diru-laguntzaren bat jasotzen dutenak ere; txango eta bidaiak; barnetegi erregimena eskatzen ez duten kirol campusak eta barnetegi erregimena eskatzen ez duten hiri-udalekuak edo udaleku irekiak.

Diru-laguntza gehienez gastuaren %50ekoa izanen da, eta guztira 5.000 euro erabiliko ditu Euskara Zerbitzuak udalekuetako diru-laguntzak ornitzeko.

Eskabideak egiteko epea 2016ko irailaren 30era bitartekoa izango da.

Oinarriak eta eskaera orria

LH Udalekuak 2016

DBH Udalekuak 2016


<< atzera